ദിനാമണിയുടെ മഴരാവുകള്‍; ചെറുകഥ

ദിനാമണിയുടെ മഴരാവുകള്‍; ചെറുകഥ

റ്റിജി തോമസ്

കോരിച്ചൊരിയുന്ന മഴ നഗരത്തെ മൂടിയിരിക്കുകയാണ്. മഴയുടെ ഇരമ്പല്‍ എന്തോ പറയുന്നതുപോലെ ദിനാമണിക്ക് തോന്നി. ആരോഹണ അവരോഹണ ക്രമത്തില്‍ സംസാരിക്കുന്ന മഴയിലേക്ക് നോക്കി അവനിരുന്നു. അമലു എന്തോ പിറുപിറുത്തു. പിന്നെ ഒന്നു കൂടി കൂനിക്കൂടി അവനിലേക്ക് പറ്റിച്ചേര്‍ന്നു.

‘എന്തൊരു ഇടിയാച്ചാ….!”
ഇടിമുഴക്കത്തിനൊപ്പം അമലു പേടിച്ചു പറഞ്ഞു.
”നിലോളിക്കാതെ…..”
ദിനാമണിയുടെ സ്വരത്തില്‍ ദേഷ്യം കലര്‍ന്നിരുന്നു. അമലു അവനെ ദയനീയമായി നോക്കി. എന്തിനാണ് അവളോട് ദേഷ്യം തോന്നിയത് എന്ന് ദിനാമണിയ്ക്ക് മനസിലായില്ല.

മഴ ഉറക്കം നഷ്ടപ്പെടുത്തിയതിനോ? അവള്‍ പെറുക്കിയെടുത്ത കാലി കുപ്പികള്‍ വിറ്റാണ് ഭക്ഷണം വാങ്ങിയത്. ഒത്തിരി നാളു കൂടി നന്നായി ഭക്ഷണം കഴിച്ചു.

അടുത്ത ഇടിമിന്നലിന് അമലു ഞെട്ടുന്നത് ദിനാമണിയുടെ ശരീരം അറിഞ്ഞു. ഒരു കൊച്ചു കുട്ടിയോടുള്ള വാത്സല്യത്തോടെ അവന്‍ അവളെ ചേര്‍ത്ത് പിടിച്ചു.

കാറ്റത്ത് എറിച്ചിലടിച്ച് അവര്‍ മുഴുവനും തന്നെ നനഞ്ഞിരുന്നു.

ദിനാമണിയുടെ മനസില്‍ വിഹ്വലതകള്‍ നിറച്ചുകൊണ്ടായിരുന്നു എന്നും മഴയുടെ വരവ്. അപ്പോഴൊക്കെ അറിയാന്‍ പറ്റാത്ത ഒരു ഉള്‍വിളിയിലൂടെ അവന്‍ മൗനിയാകും. മഴയുടെ ഇരമ്പലും സ്പര്‍ശനവും ദിനാമണിയില്‍ അച്ഛന്റെയും അമ്മയുടേയും സാമിപ്യം ഉണര്‍ത്തിയിരുന്നു. ഒരിക്കലും കണ്ടിട്ടില്ലാത്ത അച്ഛന്റെയും അമ്മയുടെയും രൂപം ഇറ്റിറ്റുവീഴുന്ന മഴത്തുള്ളികളിലെവിടെയോ തെളിഞ്ഞുവരുന്നതായി ദിനാമണിക്ക് തോന്നും.

ആ സമയങ്ങളില്‍ ദിനാമണിയുടെ കണ്ണുകള്‍ നനയുകയും അടുത്തൊരു നിമിഷം എന്തോ ഒരു ആത്മഹര്‍ഷം അവന്റെ മനസില്‍ നിറയുകയും ചെയ്യും.

അപ്പോഴൊക്കെ ഗര്‍ഭാവസ്ഥയിലെന്നവണ്ണം ദിനാമണി തലകാല്‍മുട്ടില്‍ ചേര്‍ന്ന് കൈകള്‍ കൊരുത്ത് തന്റെ തന്നെ ഹൃദയമിടിപ്പുകളെ ശ്രദ്ധിച്ചു കൊണ്ടിരിക്കും.

പിന്നെ പിന്നെ ഹൃദയസ്പന്ദനങ്ങള്‍ ചാട്ടവാറടികള്‍ക്ക് വഴിമാറുന്നത് ദിനാമണി അറിയും… താരാട്ടു പാട്ടുകള്‍ നഷ്ട സ്വപ്‌നങ്ങളുടെ അസ്വസ്ഥതകളോടെ ദിനാമണി കേള്‍ക്കും.

അവസാനം നീറിപ്പിടിക്കുന്ന വേദനയായി സുഗന്ധിയുടെ ഓര്‍മ്മ ദിനാമണിയെ പിടികൂടും. അവളുടെ ചാട്ടവാറടികള്‍ സമ്മാനിച്ച പാടുകള്‍ ദിനാമണിയെ വിടാതെ പിന്തുടരും.

പകുതി മയക്കത്തില്‍ തെരുവിന്റെ ഓരത്ത് കിടന്നുറങ്ങിയ ദിനാമണിയെ അന്ന് കണ്ണുതുറപ്പിച്ചത് ചെണ്ടകൊട്ടലാണ്. ഏതോ പാട്ടിന്റെ ഈരടികള്‍ പാടി നൃത്തം ചെയ്യുന്ന പെണ്ണിനെ ദിനാമണി കണ്ടു. പിന്നെയാണ് ദിനാമണിയുടെ കണ്ണുകള്‍ കുറെ മാറി അവളുടെ ചുവടു വയ്പുകള്‍ക്ക് അനുസരണമായി ചെണ്ടയില്‍ താളം പിടിക്കുന്ന കിളവിയെ കണ്ടത്.

അവള്‍ നൃത്തവും പാട്ടും അവസാനിപ്പിച്ചപ്പോള്‍ ദിനാമണി തല പുതപ്പിനുള്ളിലേക്ക് പൂഴ്ത്തി. അവളുടെ മന്ദമായി ചലിക്കുന്ന ചുണ്ടുകള്‍ ദിനാമണിയില്‍ അറിയപ്പെടാത്ത വിഹ്വലതകള്‍ ഉണര്‍ത്തിയിരുന്നു. കണ്‍തടങ്ങള്‍ക്കും അപ്പുറം പൂക്കാലങ്ങളുടേയും വര്‍ണ്ണങ്ങളുടേയും മധ്യേ അവള്‍ നില്‍ക്കുന്നത് ദിനാമണിക്ക് കാണായി.

കണ്ണുകള്‍ നഷ്ടബോധത്തോടെ ഉറക്കത്തെ പുല്‍കാന്‍ വെമ്പിയപ്പോഴും ദിനാമണിയുടെ അന്തച്ഛോദന അവളെ തേടി….

വൈകാതെ ദിനാമണിയെ ഉണര്‍ത്തിയത് ചാട്ടവാറടികളാണ്, ചെണ്ടമേളങ്ങളുടെ മധ്യേ ചാടി നൃത്തം ചെയ്തിരുന്നവള്‍ കൈനീട്ടുന്നതിന്റെ ഇടയ്ക്ക് സ്വയം പ്രഹരിക്കുന്നത് കണ്ട് ദിനാമണി ഞെട്ടി.

”യ്യോ പാവം അപ്പാ അമ്മാ…. വല്ലോം കൊട്…..”

ചെണ്ട കൊട്ടിക്കൊണ്ടിരുന്ന കിളവി ഓരോ ചാട്ടവാറടികള്‍ക്കും വായ്ത്താരി പറഞ്ഞു.

പിന്നെയും കുറെ ദിവസങ്ങള്‍ കൂടി പാട്ടും നൃത്തവും അവസാനം ഏതോ ശാപത്തിന്റെ നിലവിളികള്‍പോലെ ചാട്ടവാറടികളും ദിനാമണിയെ പ്രഭാതങ്ങളില്‍ വിളിച്ചുണര്‍ത്തി.

ഒരു നാള്‍ നെഞ്ചില്‍ വിങ്ങിപ്പൊട്ടുന്ന അസ്വസ്ഥതകളുടെ പ്രതിഫലനമായി ദിനാമണി അവളെ പിന്‍ചെന്നു. അവസാനം അവളുടെ കണ്ണുകളാല്‍ പിടിക്കപ്പെട്ടപ്പോള്‍ ദിനാമണി പകച്ചു. അവളുടെ മൗനത്തിലും തുറിച്ചുനോട്ടത്തിലും ചൂളിയെങ്കിലും ദിനാമണി ചോദിച്ചു.

”നിനക്ക് വേദനിക്കില്ലെ…?” ഒരുപിടി ചില്ലറകള്‍ കിലുക്കി അവള്‍ ദിനാമണിക്കുനേരെ കൈ നീട്ടി. ഇനിയും ഒരുവേള അവള്‍ ചാട്ടവാറടികളെ സ്വയം വരിക്കുമോ എന്ന് അവന്‍ ഭയപ്പെട്ടു. മനസില്‍ ഇച്ഛാഭംഗത്തിന്റെ നുരപൊന്തിയെങ്കിലും പോക്കറ്റിലെ തുട്ടുകള്‍ ദിനാമണി അവള്‍ക്ക് നല്‍കി.

മഴ ചാറി തുടങ്ങിയിരുന്നു….. അവളുടെ കൈകളിലെ പാടുകള്‍ എണ്ണുമ്പോള്‍ ചാട്ടവാറടികളുടെ വേദനകള്‍ മനസിലേക്ക് ആവാഹിക്കപ്പെടുന്നതായി ദിനാമണിക്ക് തോന്നി.

മഴയുടെ നനവില്‍ ഒരു കോഴി കുഞ്ഞിനെ എന്നപോലെ അവള്‍ ദിനാമണിയിലേക്ക് പറ്റിച്ചേര്‍ന്നു.

”നിന്റെ പേരെന്താ….?”

മഴ അവരെ കുളിപ്പിച്ചിരുന്നു. മഴയുടെ തണുപ്പില്‍ അവളുടെ ചുണ്ടുകള്‍ വിറകൊണ്ടു.
”സുഗന്ധി”

ദിനാമണിയുടെ ജീവിതത്തില്‍ സുഗന്ധി സാന്നിധ്യമായി. തെരുവ് നൃത്തത്തിന്റെയും ചാട്ടവാറടികളുടെയും ലോകത്തുനിന്നും സുഗന്ധി ദിനാമണിയുടെ ജീവിതത്തിലേക്ക് ഒളിച്ചോടി.

ദിനാമണി അവളുടെ ചാട്ടവാറടി പാടുകളില്‍ തലോടി. മഴയെത്തുന്ന രാവുകളില്‍ സുഗന്ധിയുടെ എണ്ണപുരളാത്ത ചെടപിടിച്ച മുടിയില്‍ മുഖമൊളിപ്പിച്ച് സ്വപ്‌നങ്ങള്‍ കണ്ടു.

അങ്ങനെ ഒരു ദിവസമാണ് ദിനാമണി ഒരു കുഞ്ഞിന്റെ മുഖം സ്വപ്‌നം കണ്ടത്.

ചില ദിവസങ്ങളില്‍ അശുഭ സ്വപ്‌നങ്ങളുടെ കൊളുത്തി വലിയില്‍ നിശബ്ദനായിരിക്കുന്ന ദിനാമണിയോട് സുഗന്ധി ചോദിക്കും.

”എന്താ ഒരു മാതിരി….?”

വെറുതെ മൂളും. എങ്കിലും, ചാട്ടവാറടി പാടുകളുള്ള ഒരു കുഞ്ഞിനെ സ്വപ്‌നം കണ്ടത് ദിനാമണി ഒരിക്കലും സുഗന്ധിയോട് പറഞ്ഞില്ല. പങ്കുവയ്ക്കാന്‍ പറ്റാത്ത അസ്വസ്ഥതയായി അത് മനസിലിരുന്ന് വിങ്ങുന്നത് ദിനാമണി അറിഞ്ഞു.

കുഞ്ഞിനുവേണ്ടി ദിനാമണി ഓടകളും പട്ടികളും ഇല്ലാത്ത സ്ഥലങ്ങളെക്കുറിച്ച് ചിന്തിക്കാന്‍ തുടങ്ങി.

ഇടിമുഴക്കത്തിലും മിന്നലിന്റെ കാളിമയിലും കുഞ്ഞിന്റെ തുടിപ്പ് സുഗന്ധിയുടെ വയററിഞ്ഞു. ആ തുടിപ്പുകളെ അവള്‍ ദിനാമണിയിലേക്ക് പകര്‍ന്നു. അതിന്റെ ഉള്‍പുളകത്തില്‍ അവന്‍ പിന്നെയും അവളുടെ ഊഷ്മളതയില്‍ സ്വപ്‌നങ്ങള്‍ നെയ്തു കൂട്ടി.

ഒരു മഴരാവില്‍ തിരിച്ചറിയാന്‍ പറ്റാത്ത ഒരു സ്വപ്‌നത്തിന്റെ മധ്യേയാണ് ദിനാമണി സുഗന്ധിയുടെ നിലവിളി കേട്ടത്. സ്വപ്‌നത്തിന്റെ ബാക്കി എന്ന വണ്ണം അവന്‍ ബന്ധനസ്ഥനായിരുന്നു.

”ന്റെ കുഞ്ഞ്….”

സുഗന്ധിയുടെ നിലവിളി ദിനാമണിക്ക് ഒരു കുതിപ്പിന്റെ ഊര്‍ജ്ജം നല്‍കി.

”പണ്ടാരത്തിന് വയറ്റിലുമായോ….”

തലയിലെന്തോ വന്നിടിച്ച് ബോധം മറയുന്നതിന് മുമ്പ് ദിനാമണി ചെണ്ട കൊട്ടിയിരുന്ന കിളവിയുടെ സ്വരം തിരിച്ചറിഞ്ഞിരുന്നു….

നഗരത്തിന്റെ മുക്കിനും മൂലയിലും അവന്‍ സുഗന്ധിയെ പരതി. എവിടെയോ അവള്‍ നൃത്തം ചെയ്ത് ചാട്ടവാറടികളെ സ്വയം വരിക്കുകയാവാം എന്ന അറിവ് ദിനാമണിയെ നടുക്കി.

പിന്നെ…. പിന്നെ ദിനാമണി ഒക്കത്തൊരു കുട്ടിയുമായി ചാട്ടവാറടികളെ സ്വയം ഏല്‍ക്കുന്ന സുഗന്ധിയെ സ്വപ്‌നം കാണുകയായി.

കീറി തുടങ്ങിയ വസ്ത്രങ്ങളുമായി എങ്ങുനിന്നില്ലാതെ ദിനാമണി കടത്തിണ്ണകളില്‍ കൂനിക്കൂടി.

അങ്ങനെ ഒരു ദിവസമാണ് അമലു ദിനാമണിയുടെ ജീവിതത്തിലേക്ക് കടന്നുവന്നത്. മഴയുടെ ചാരുതയില്‍ ഏതോ സ്വപ്‌നം കണ്ടുകൊണ്ടിരിക്കുകയായിരുന്നു അവന്‍. മഴയുടെ ശക്തിയില്‍ നിന്ന് രക്ഷപ്പെടാന്‍ തന്റെ പിറകിലൊളിക്കുന്ന പെണ്‍കുട്ടിയെ ദിനാമണി ശ്രദ്ധിച്ചു. ബസ്സിലെ യാത്രക്കാര്‍ക്ക് കൊടുത്ത് പണം പിരിക്കാനുള്ള സഹായഭ്യര്‍ത്ഥന മഴനനയാതെ അവള്‍ മറച്ചിരുന്നു.

അവളുടെ കയ്യിലെ കടലാസു കഷണങ്ങള്‍ ദിനാമണിയില്‍ ചാട്ടവാറടികളുടെ ഓര്‍മ്മകളുണര്‍ത്തി.

ദിനാമണി അവളുടെ കയ്യിലെ കടലാസു കഷണങ്ങളെ വായിക്കാന്‍ ശ്രമിച്ചു. അവള്‍ക്കും അതിന് കഴിയുമായിരുന്നില്ല. അതിലെവിടെയോ അമലു എന്ന തന്റെ പേരു എഴുതി വച്ചിട്ടുണ്ട് എന്നുമാത്രമേ അവള്‍ക്ക് അറിയാന്‍ പാടുണ്ടായിരുന്നുള്ളൂ.

കടലാസു കഷണങ്ങളെ മനസിലാക്കാന്‍ പറ്റാത്തതിലുള്ള സാമ്യത അവരെ കൂടുതല്‍ അടുപ്പിച്ചു.

പിന്നൊരിക്കല്‍ ദിനാമണി അവളുടെ കടലാസു കഷണങ്ങളെ കത്തിച്ചുകളഞ്ഞപ്പോള്‍ അവള്‍ക്ക് വിഷമം തോന്നി

ഊന്നുവടികളുടെ നഷ്ടം പോലെ എന്തോ ഒന്ന്….

വിശപ്പിനെ അധികരിക്കാന്‍ ദിനാമണിയും അമലുവും കാലി കുപ്പികള്‍ പെറുക്കി വില്‍ക്കാന്‍ തുടങ്ങി….
മഴയുടെ നനവിലും വിഹ്വലതകളില്ലാതെ മയങ്ങുന്ന അമലുവിനെ ഓര്‍ത്ത് ദിനാമണിക്ക് അത്ഭുതം തോന്നി.

പുനര്‍ജന്മത്തിലേക്കുള്ള ഒരു മുതല്‍കൂട്ടുപോലെ ഒരു ഉറക്കത്തിനായി അവന്‍ കൊതിച്ചു. പക്ഷേ ഉറങ്ങാത്ത ഓര്‍മ്മകളായി കുത്തുവാക്കുകള്‍ പോലെ മഴത്തുള്ളികള്‍ ദിനാമണിയുടെ ശരീരത്ത് പതിച്ചുകൊണ്ടേയിരുന്നു.

 

tijiതിരുവല്ല MACFAST കോളേജില്‍ കമ്പ്യൂട്ടര്‍ ആപ്ലിക്കേഷന്‍സ് വിഭാഗത്തിന്റെ തലവനായ റ്റിജി തോമസ് അറിയപ്പെടുന്ന കഥാകൃത്ത് ആണ്. ഇദ്ദേഹത്തിന്റെ കഥകള്‍ ആള്‍ ഇന്ത്യ റേഡിയോയിലും ദീപിക പോലുള്ള മാഗസിനുകളിലും പ്രസിദ്ധീകരിച്ചിട്ടുണ്ട്.

വായനക്കാരുടെ അഭിപ്രായങ്ങള്‍ രേഖപ്പെടുത്താന്‍ താഴെയുള്ള കമന്റ് കോളം ഉപയോഗിക്കാവുന്നതാണ്. അവഹേളനമോ വ്യക്തിപരമായ അധിക്ഷേപങ്ങളോ അശ്‌ളീലമോ മതനിന്ദയോ ആകാവുന്ന പോസ്റ്റുകള്‍ സൈബര്‍ നിയമപ്രകാരം കുറ്റകരമാണ്.
Post Your Malayalam Comments ( Click here for Malayalam Comments )
Press Esc to close
other news
1 2 3 1,675

More Latest News

സ്റ്റാര്‍ ഹോട്ടല്‍ വേണമെന്ന് ഒടുക്കത്തെ വാശി; പരിധിവിട്ടപ്പോള്‍ ഞാന്‍ ചീത്തവിളിച്ചു; ജയറാം ചിത്രത്തില്‍ നിന്ന്

മമ്മൂട്ടി ചിത്രമായ കസബയിലൂടെ മലയാളത്തിലെത്തിയ നടിയാണ് വരലക്ഷ്മി. എന്നാല്‍ മലയാളത്തിലെ അവരുടെ രണ്ടാമത്തെ ചിത്രമായ ആകാശമിഠായിയില്‍ നിന്നും വരലക്ഷ്മിയെ പുറത്താക്കിയതായി വാര്‍ത്ത വന്നിരുന്നു. നിര്‍മാതാക്കളുമായി യോജിച്ച് പോകാന്‍ കഴിയാത്തതിനാല്‍ ചിത്രത്തില്‍ നിന്നും പിന്‍വാങ്ങുന്നുവെന്നായിരുന്നു നടി അറിയിച്ചത്. എന്നാല്‍ തനിക്ക് ലഭിച്ച ഹോട്ടല്‍ താമസസൗകര്യത്തില്‍ സംതൃപ്തയല്ലാത്തതിനാലാണ് വരലക്ഷമി ചിത്രം ഉപേക്ഷിച്ചതെന്ന് വ്യക്തമായി.

മംഗളം സിഇഒയെ പത്രപ്രവര്‍ത്തക യൂണിയനില്‍ നിന്നും പുറത്താക്കി

മന്ത്രി ഏകെ ശശീന്ദ്രന്റെ രാജിക്ക് ഇടയാക്കിയ ഹണി ട്രാപ്പ് സംഭവത്തില്‍ അറസ്റ്റിലായ മംഗളം ചാനല്‍ സിഇഒ അജിത്ത്കുമാറിനെ കേരള പത്രപ്രവര്‍ത്തക യൂണിയനില്‍(കെയുഡബ്ലിയുജെ) നിന്നും പുറത്താക്കി. പത്തനംതിട്ടയില്‍ ചേര്‍ന്ന യൂണിയന്റെ സംസ്ഥാന കമ്മിറ്റി യോഗത്തിലാണ് തീരുമാനം. അധാര്‍മ്മിക മാധ്യമപ്രവര്‍ത്തനം നടത്തിയെന്ന് ആരോപിച്ചാണ് നടപടി.

തിരുവനന്തപുരത്ത് കൊല്ലപ്പെട്ട നാല് പേരുടെയും മൃതദേഹങ്ങള്‍ ഏറ്റെടുക്കാന്‍ ആളില്ലാതെ മോര്‍ച്ചറി വരാന്തയില്‍; മൃതദേഹങ്ങള്‍

നന്ദന്‍കോട് കൊല്ലപ്പെട്ട നാലു പേരുടെ മൃതദേഹം തിരുവനന്തപുരം മെഡിക്കല്‍ കോളേജ് മോര്‍ച്ചറിക്ക് മുന്നില് അനാഥമായി കിടക്കുന്നു‍. ഇപ്പോള്‍ തന്നെ മൃതദേഹങ്ങള്‍ തിങ്ങിതിറഞ്ഞ മോര്‍ച്ചറിയില്‍ ഇവ സൂക്ഷിക്കാന്‍ സ്ഥലമില്ലെന്നാണ് ആശുപത്രി അധികൃതര്‍ പറയുന്നത്. ഒരു കുടുംബത്തിലെ നാല് പേരും മരണപ്പെടുകയും കൊലപാതകിയെന്ന് സംശയിക്കപ്പെടുന്ന കുടുംബത്തിലെ അവശേഷിച്ചക്കുന്നയാള്‍ ഒളിവില്‍ പോവുകയും ചെയ്തതോടെ മൃതദേഹങ്ങള്‍ ഏറ്റെടുക്കാനും ആളില്ല. മോര്‍ച്ചറിക്ക് മുന്നിലെ വരാന്തയില്‍ സൂക്ഷിച്ചിരിക്കുന്ന മൃതദേഹങ്ങള്‍ ഈച്ചയരിച്ച് ദുര്‍ഗന്ധം വമിച്ച് തുടങ്ങിയിട്ടുണ്ട്.

42000 അടി ഉയരത്തില്‍ ഒരു സുഖപ്രസവം; വിമാനകമ്പനി കുഞ്ഞിനു നല്‍കുന്ന സമ്മാനം

ഗിനിയയില്‍ നിന്നും ഇസ്താംബൂളിലേക്കു പോയ ടര്‍ക്കിഷ് എയര്‍ലൈന്‍സിലാണ് 42000 അടി ഉയരത്തില്‍ വച്ച് നാഫി ഡയബി എന്ന ഫ്രഞ്ച് യുവതി ഒരു പെണ്‍കുഞ്ഞിന് ജന്മം നല്‍കിയത്. കടിഞ്ഞു എന്നാണ് ഈ കുഞ്ഞിന്പേര് നല്‍കിയിരിക്കുന്നത്.

നന്തൻകോട്ട് കൂട്ടക്കൊല നടന്ന വീട്ടിനുള്ളിൽ നിന്നു കത്തിക്കരിഞ്ഞ നിലയിൽ ഡമ്മിയും; അതിബുദ്ധിമാനായ മകൻ ശ്രമിച്ചത്

നന്തൻകോട്ട് കൂട്ടക്കൊല നടന്ന വീട്ടിനുള്ളിൽ നിന്നു കത്തിക്കരിഞ്ഞ നിലയിൽ ഡമ്മി കണ്ടെത്തി. പകുതി കത്തിക്കരിഞ്ഞ നിലയിലാണ് ഡമ്മി. കൊല്ലപ്പെട്ട ദമ്പതികളുടെ കാണാതായ മകൻ കേഡൽ ജീൻസൺ രാജുമായി ഡമ്മിക്കു സാദൃശ്യമുണ്ട്. ജീൻസൺ തന്നെയാണ് കൃത്യം നടത്തിയതെന്ന സംശയം ബലപ്പെടുത്തുന്നതാണ് ഇപ്പോൾ കണ്ടെത്തിയിരിക്കുന്ന ഡമ്മി.

യുകെ മലയാളികള്‍ ഇടുക്കി ചാരിറ്റി ഗ്രൂപ്പിനെ അനുഗ്രഹിച്ചു; ഇതുവരെ ലഭിച്ചത് 1821 പൗണ്ട്

ഇടുക്കി ചാരിറ്റി ഗ്രൂപ്പ് തോപ്രാംകുടിയിലെ വര്‍ക്കി ജോസഫിനും മലയാറ്റൂരിലെ ഷാനുമോന്‍ ശശിധരനും വേണ്ടി നടത്തിക്കൊണ്ടിരിക്കുന്ന ചാരിറ്റിക്ക് ഇതുവരെ 1821 പൗണ്ട് ലഭിച്ചു. ചാരിറ്റി കളക്ഷന്‍ ഈ മാസം 17-ാം തിയതി തിങ്കളാഴ്ച വരെ തുടരാന്‍ ഇടുക്കി ചാരിറ്റി ഗ്രൂപ്പ് തീരുമാനിച്ചു. പിരിഞ്ഞു കിട്ടുന്ന പണം തൊട്ടടുത്തദിവസം നാട്ടില്‍ പോകുന്ന ഇടുക്കി സ്വദേശിയുടെ കൈവശം ചെക്കായി കൊടുത്തു വിട്ട് ബന്ധപ്പെട്ടവര്‍ക്ക് കൈമാറും എന്നറിയിക്കുന്നു.

മിമിക്രിയിൽ നിന്നും സിനിമാരംഗത്തേക്ക് വന്ന പ്രശസ്ത കലാകാരന്‍ അസീസിന് നെടുമങ്ങാടിന് ക്രൂരമർദ്ദനം

തിരുവനന്തപുരം നിശാഗന്ധി ഓഡിറ്റോറിയത്തില്‍ പ്രതിഷേധക്കൂട്ടായ്മ നടത്താന്‍ മിമികി കലാകാരന്മാര്‍ തീരുമാനിച്ചിട്ടുണ്ട്. വൈകിയെത്തിയത് സത്യമാണെങ്കിലും അതിന്റെ പേരില്‍ മര്‍ദിച്ചത് തീര്‍ത്തും പ്രതിഷേധാര്‍ഹമാണെന്ന് മിമിക്രി അസോസിയേഷന്‍ സെക്രട്ടറി കെ.എസ്. പ്രസാദ് പ്രതികരിച്ചു

മുൻധാരണകൾ തിരുത്തി ട്രംപ് - ഷി കൂടിക്കാഴ്ച; പുതിയ വാ​ണി​ജ്യ​ബ​ന്ധ​ങ്ങ​ൾ നൂ​റു​ദി​വ​സ​ത്തി​ന​കം

ചൈ​ന വി​ല താ​ഴ്ത്തി ക​യ​റ്റു​മ​തി ന​ട​ത്തി അ​മേ​രി​ക്ക​ൻ തൊ​ഴി​ലു​ക​ൾ മോ​ഷ്ടി​ക്കു​ന്നു എ​ന്ന നി​ല​പാ​ട് ട്രം​പ് തി​രു​ത്തി. ഷി​യാ​ക​ട്ടെ ചൈ​ന​യു​ടെ ഭീ​മ​മാ​യ വ്യാ​പ​ര​മി​ച്ചം സ്വ​ന്ത​രാ​ജ്യ​ത്ത് പ​ണ​പ്പെ​രു​പ്പം കൂ​ട്ടു​ന്നു​വെ​ന്ന് തു​റ​ന്നു​പ​റ​ഞ്ഞു. അ​മേ​രി​ക്ക​ൻ ക​യ​റ്റു​മ​തി കൂ​ട്ടാ​നും ചൈ​ന​യു​ടെ വ്യാ​പാ​ര​മി​ച്ചം കു​റ​യ്ക്കാ​നു​മു​ള്ള ച​ർ​ച്ച​ക​ൾ 100 ദി​വ​സം കൊ​ണ്ട് ഫ​ല​പ്രാ​പ്തി​യി​ലെ​ത്തി​ക്കാ​ൻ ധാ​ര​ണ​യു​ണ്ടാ​യ​തു വ​ലി​യ നേ​ട്ട​മാ​യി.

ഒരു കുടുംബത്തിലെ നാലു പേരെ കൊല്ലപ്പെട്ട നിലയില്‍ കണ്ടെത്തിയ സംഭവം; മകന്‍ കേഡൽ

നന്തൻകോട് ക്ലിഫ്ഹൗസിന് സമീപമുള്ള വീടിനുള്ളിൽ ഒരു കുടുംബത്തിലെ നാലു പേരെ കൊല്ലപ്പെട്ട നിലയിൽ കണ്ടെത്തി. മാർത്താണ്ഡം നേശമണി കോളേജിൽ ഹിസ്‌റ്ററി പ്രൊഫസറായി വിരമിച്ച രാജാ തങ്കം, ഭാര്യ റിട്ട.ഡോക്ടർ ജീൻ പദ്മ, മകൾ കരോലിൻ, ജീൻ പദ്മയുടെ കുഞ്ഞമ്മ ലളിത എന്നിവരാണ് മരിച്ചത്.

അവസാനം ആ വീട് വിറ്റു ! വിജയമല്യയുടെ ഗോവയിലെ ആഡംബര വില്ല വിറ്റ

കഴിഞ്ഞ രണ്ടു തവണയും ലേലം നടത്താനുള്ള നീക്കം പാളിയിരുന്നു. 2016 ഒക്ടോബറിൽ നടന്ന ആദ്യ ലേലത്തിൽ അടിസ്ഥാന വിലയായി 85.29 കോടി രൂപയാണു നിശ്ചയിച്ചിരുന്നത്. ഡിസംബറിൽ നടത്തിയ ലേലത്തിൽ 81 കോടിയാക്കി കുറച്ചെങ്കിലും ആരും ലേലം വിളിച്ചില്ല. തുടർന്ന് ഈ വർഷം മാർച്ച് ആറിനു നടത്തിയ ലേലത്തിൽ വില 73 കോടിയാക്കി കുറച്ചിരുന്നു

മിനിമം വേതനം മണിക്കൂറിന് 10 പൗണ്ടാക്കുമെന്ന് കോര്‍ബിന്‍

ലണ്ടന്‍: മിനിമം വേതനം വര്‍ദ്ധിപ്പിക്കുമെന്ന വാഗ്ദാനവുമായി തെരഞ്ഞെടുപ്പ് പ്രചാരണം ലേബര്‍ പാര്‍ട്ടി ആരംഭിച്ചു. അടുത്ത പൊതുതെരഞ്ഞെടുപ്പില്‍ തങ്ങള്‍ വിജയിച്ചാല്‍ മാസങ്ങള്‍ക്കുള്ളില്‍ വേതന വര്‍ദ്ധനവ് നടപ്പിലാക്കുമെന്നാണ് ജെറമി കോര്‍ബിന്‍ പ്രഖ്യാപിച്ചത്. മണിക്കൂറിന് 10 പൗണ്ട് കുറഞ്ഞ വേതനം ലഭ്യമാക്കുന്ന വിധത്തിലാണ് മാറ്റങ്ങള്‍ വിഭാവനം ചെയ്യുന്നത്. 2020ഓടെ തൊഴിലാളികള്‍ക്ക് മികച്ച മിനിമം വേതനം ലഭ്യമാക്കാനാണ് ഉദ്ദേശിക്കുന്നത്. സര്‍ക്കാര്‍ ഇപ്പോള്‍ ലക്ഷ്യമിടുന്നതിലും കൂടുതലാണ് ലേബര്‍ ലക്ഷ്യമിടുന്ന നിരക്ക്.

പരീക്ഷാഫലം ഉയര്‍ത്താന്‍ വിചിത്ര മാര്‍ഗവുമായി സ്‌കൂള്‍; വിദ്യാര്‍ത്ഥികളുടെ വീട്ടില്‍നിന്നും എക്‌സ്‌ബോക്‌സുകളും പ്ലേസ്റ്റേഷനുകളും പിടിച്ചെടുക്കുന്നു

ലണ്ടന്‍: ഇംഗ്ലണ്ടിലെ മുന്‍നിര അക്കാഡമി, പരീക്ഷാഫലം ഉയര്‍ത്തുന്നതിനായി വിചിത്ര മാര്‍ഗം അവലംബിക്കുന്നു. വിദ്യാര്‍ത്ഥികളുടെ വീട്ടില്‍ നിന്ന് എക്‌സ്‌ബോക്‌സുകളും പ്ലേ സ്റ്റേഷനുകളും സ്‌കൂള്‍ അധികൃതര്‍ പിടിച്ചെടുത്തു. കിംഗ് സോളമന്‍ അക്കാഡമിയാണ് വിചിത്ര നടപടിയുമായി രംഗത്തെത്തിയത്. രക്ഷിതാക്കളുടെ സമ്മതത്തോടെ ഇത്തരം യെിമിംഗ് ഉപകരണങ്ങളും മൊബൈല്‍ ഫോണുകളും പിടിച്ചെടുത്തതായി പ്രിന്‍സിപ്പല്‍ മാക്‌സ് ഹെയ്മന്‍ഡോര്‍ഫ് അറിയിച്ചു. ഗ്രേഡുകള്‍ ഉയര്‍ത്താനും വിദ്യാര്‍ത്ഥികളുടെ പെരുമാറ്റം നന്നാക്കാനുമാണ് നടപടിയെന്നാണ് വിശദീകരണം.

വെള്ളാപ്പള്ളിയിലും വീഴ്ച വരുത്താനൊരുങ്ങി പൊലീസ്; കേസില്‍ ഒന്നാം പ്രതിയുടെ മൊഴിയെടുക്കാന്‍ പോയത് രണ്ടാം പ്രതിയുടെ

ആലപ്പുഴ: വെളളാപ്പളളി നടേശന്‍ എന്‍ജിനീയറിങ് കോളെജിലെ വിദ്യാര്‍ത്ഥി ആത്മഹത്യയ്ക്ക് ശ്രമിച്ച സംഭവത്തിലെ കേസന്വേഷണത്തിലും പൊലീസിന് വീഴ്ച. മൊഴിയെടുക്കാന്‍ പോയ വളളികുന്നം പൊലീസ് സ്റ്റേഷനിലെ രണ്ടു പൊലീസുകാരാണ് അന്വേഷണത്തിന്റെ ആദ്യഘട്ടത്തില്‍ തന്നെ വീഴ്ച വരുത്തിയത്. രണ്ടാംപ്രതിയും ബിഡിജെഎസ് നേതാവുമായ കോളേജ് മാനേജര്‍ സുഭാഷ് വാസുവിന്റെ കാറിലാണ് പൊലീസുകാര്‍ മൊഴിയെടുക്കാന്‍ എത്തിയത്.

അഞ്ച് വര്‍ഷത്തേക്ക് കുടിയേറ്റ നിരോധനം ഏര്‍പ്പെടുത്തണമെന്ന് ടോറി എംപിമാര്‍; തദ്ദേശവല്‍ക്കരണം യുകെയിലും?

ലണ്ടന്‍: ഗള്‍ഫ് നാടുകളില്‍ പ്രാവര്‍ത്തികമാക്കിക്കൊണ്ടിരിക്കുന്ന തേേദ്ദശവല്‍ക്കരണം യുകെയിലെ തൊഴില്‍മേഖലകളിലും വരുമോ എന്ന് ആശങ്ക. രാജ്യത്ത് അഞ്ച് വര്‍ഷത്തേക്ക് കുടിയേറ്റ നിരോധനം ഏര്‍പ്പെടുത്തണമെന്ന് മുതിര്‍ന്ന കണ്‍സര്‍വേറ്റീവ് എംപിമാര്‍ പ്രധാനമന്ത്രിയോട് ആവശ്യപ്പെട്ടു. അവിദഗ്ദ്ധ മേഖലയിലെ വിസകള്‍ നിയന്ത്രിച്ച് ചെറുപ്പക്കാരും തൊഴിലില്ലാത്തവരുമായ യുകെ പൗരന്‍മാര്‍ക്ക് അവസരം നല്‍കണമെന്നാണ് ഇവര്‍ ആവശ്യപ്പെടുന്നത്. യൂറോപ്യന്‍ സിംഗിള്‍ മാര്‍ക്കറ്റില്‍ നിന്ന് പുറത്തു പോകണമെന്നും അതിര്‍ത്തികളില്‍ യുകെ ആധിപത്യം സ്ഥാപിക്കണമെന്നും ആവശ്യപ്പെടുന്ന കടുത്ത ബ്രെക്‌സിറ്റ് അനുകൂലികളായ എംപിമാരാണ് ഈ ആവശ്യവുമായി രംഗത്തെത്തിയിരിക്കുന്നത്.

ജിഷ്ണുകേസ്, വൈസ് പ്രിന്‍സിപ്പല്‍ ശക്തിവേല്‍ കോയമ്പത്തൂരിൽ അറസ്റ്റില്‍; പോലീസ് പ്രഖ്യാപിച്ച പാരിതോഷികം വേണ്ടെന്ന് വിവരം

ശക്തിവേലിന്റെ അറസ്റ്റുവിവരം പുറത്തുവരുമുന്‍പുതന്നെ ജിഷ്ണുവിന്റെ കുടുംബവുമായി സര്‍ക്കാര്‍ ചര്‍ച്ചയ്ക്ക് ശ്രമം തുടങ്ങിയിരുന്നു. സര്‍ക്കാര്‍ നിയോഗിച്ച സ്പെഷ്യല്‍ പ്രോസിക്യൂട്ടര്‍ സി.പി.ഉദയഭാനുവും സ്റ്റേറ്റ് അറ്റോര്‍ണി എം.വി.സോഹനും എന്നിവര്‍ തിരുവനന്തപുരം മെഡിക്കല്‍ കോളജില്‍ ജിഷ്ണുവിന്റെ അമ്മയേയും അമ്മാവനേയും കാണും. നേരത്തേ സിപിഐ സംസ്ഥാനസെക്രട്ടറി കാനം രാജേന്ദ്രന്‍ ജിഷ്ണുവിന്റെ ബന്ധുക്കളുമായി ആശുപത്രിയില്‍ കൂടിക്കാഴ്ച നടത്തിയിരുന്നു.

യുഎസ് ഉത്തരകൊറിയക്കെതിരേ പടപ്പുറപ്പാട് തുടങ്ങി; വിമാനവാഹിനി കപ്പൽ കൊറിയൻ ഉപദ്വീപിൽ, ലോകരാജ്യങ്ങൾ ആശങ്കയിൽ

ഉത്തരകൊറിയക്കെതിരേ യുഎസ് സൈന്യം പടപ്പുറപ്പാട് തുടങ്ങിയതായി റിപ്പോർട്ട്. കൊറിയൻ ഉപദ്വീപിൽ യുഎസ് വിമാനവാഹിനി കപ്പൽ നങ്കൂരമിട്ടതായാണ് റിപ്പോർട്ടുകൾ. വിമാനവാഹിനി കപ്പലായ യുഎസ്എസ് കാൾ വിൻസനാണ് നങ്കൂരമിട്ടിരിക്കുന്നത്. കഴിഞ്ഞ മാസം ദക്ഷിണകൊറിയൻ സൈന്യവുമായി അമേരിക്ക നടത്തിയ സംയുക്ത അഭ്യാസ പ്രകടനങ്ങളിലും കാൾ വിൻസണ്‍ പങ്കാളിയായിരുന്നു. അതേസമയം, സിറിയക്ക് പിന്നാലെ ഉത്തരകൊറിയക്കെതിരെയും നടപടികളുമായി അമേരിക്ക മുന്നോട്ട് പോവുന്നത് ലോകരാജ്യങ്ങൾ ആശങ്കയോടെയാണ് കാണുന്നത്.
© Copyright MALAYALAM UK 2017. All rights reserved.
Please wait...

2017 Calender Request Form

ആളുകള്‍ വ്യാജ വിലാസങ്ങള്‍ നല്കാന്‍ ഇടയുളളതിനാല്‍ ടെലിഫോണില്‍ വിളിച്ച് വിലാസം ഉറപ്പുവരുത്തിയ ശേഷം ആയിരിക്കും കലണ്ടര്‍ അയക്കുക. ശരിയായ ടെലിഫോണ്‍ നമ്പര്‍ ചേര്‍ക്കാത്തവര്‍ക്ക് കലണ്ടര്‍ അയയ്ക്കുന്നതല്ല.