താറാവ്, പാമ്പ്, സെക്സ് പിന്നെ അബദ്ധത്തില്‍ ഒരു നേര്‍ച്ചയും; ജോയ് അഗസ്തി

താറാവ്, പാമ്പ്, സെക്സ് പിന്നെ അബദ്ധത്തില്‍ ഒരു നേര്‍ച്ചയും; ജോയ് അഗസ്തി

ജോയ് അഗസ്തി

എനിക്ക് പേടിയില്ലാത്ത ഒരു ജീവിയാണ് പാമ്പ്. പേടിയില്ലെന്ന് മാത്രമല്ല നല്ല ഇഷ്ടവുമാണ്. എന്നാല്‍ ഒരുപാട് കാലം ഈ പാമ്പ് എന്നെ പേടിപ്പിച്ചിരുന്നു. അതും ഉറക്കത്തില്‍. മിക്കവാറും എല്ലാ ദിവസവും ഉറക്കത്തില്‍ പാമ്പ് എന്‍റെ പായയുടെ അരികിലൂടെ ഇഴഞ്ഞെത്തും പിന്നെ അത് എന്റെ തലയിണയുടെ ഉള്ളിലേക്കും എന്റെ ശരീരത്തിലേക്കും ഒക്കെ കയറും. അങ്ങിനെ പാമ്പ് വരുമ്പോള്‍ ഉറക്കത്തില്‍ ചാടിയെഴുന്നേറ്റ് ഞാന്‍ മേശപ്പുറത്തും ജനലിന്‍റെ മുകളിലുമൊക്കെ ചാടിക്കയറുമായിരുന്നു. മുറിയില്‍ നിന്ന് ഇറങ്ങി ഓടിയ ദിവസങ്ങള്‍ വരെയുണ്ടായിട്ടുണ്ട്.

ഒരു പത്ത് പന്ത്രണ്ട് വയസ്സുള്ളപ്പോള്‍ മുതല്‍ തുടങ്ങിയതാണ് ഈ പാമ്പിനെ സ്വപ്നം കാണല്‍. എന്നാല്‍ പാടത്തും തോട്ടിലുമൊക്കെ വച്ച് പലതവണ എന്നെ പാമ്പ് കടിച്ചിട്ടുണ്ടെങ്കിലും എനിക്കതിനെ പകല്‍ ഒരു പേടിയുമൊട്ടില്ല താനും. എന്നാല്‍ രാത്രിയായാല്‍ സംഗതിയാകെ മാറും. പാമ്പിനെക്കുറിച്ചുള്ള ദുസ്വപ്നങ്ങള്‍ രാത്രിയില്‍ എന്നെ ഒരുപാട് അലട്ടിയിരുന്നു. കാലം ഏറെ കഴിഞ്ഞിട്ടും എന്റെ സ്വപ്നത്തിന് ഒരു മാറ്റവുമില്ലായിരുന്നു. പോലീസില്‍ ജോലികിട്ടിയപ്പോഴും എന്‍റെ പാമ്പ് എന്നെ പിന്തുടര്‍ന്നു. ട്രെയിനിംഗ് കാലത്ത് ഒരു ദിവസം ഞാന്‍ പാമ്പിനെ സ്വപ്നം കണ്ട് അതിനെ കാലുകൊണ്ട് അടിച്ചപ്പോള്‍ ഇരുമ്പ് പെട്ടിയില്‍ കൊണ്ട് എന്‍റെ വലത് കാലിന്റെ തള്ള വിരല്‍ നഖം അപ്പാടെ പൊളിഞ്ഞ് പോയി.

ആ ദിവസങ്ങളില്‍ ഓഫിന് നാട്ടില്‍ വന്നപ്പോള്‍ എന്‍റെ കാലിലെ കെട്ട് കണ്ട് പത്രം ഏജന്റായ എന്‍റെ കൂട്ടുകാരന്‍ തളിയന്‍ പോളച്ചന്‍ എന്നോട് വിവരം ചോദിച്ചു. കാര്യങ്ങളെല്ലാം കേട്ടപ്പോള്‍ വല്ല നേര്‍ച്ചക്കടവുമുണ്ടോ എന്ന് പോളച്ചന്‍ എന്നോടൊരു ചോദ്യം. അപ്പോഴാണ് ആ നേര്‍ച്ചക്കടം എനിക്കോര്‍മ്മവന്നത്. ഒരു ഏഴര രൂപയുടെ കടം എനിക്ക് ബാക്കിയുണ്ടായിരുന്നു. ഞാന്‍ ജീവിതത്തില്‍ ആദ്യം നേര്‍ന്ന ഒരു നേര്‍ച്ചയും വീട്ടാതിരുന്ന ഒരു നേര്‍ച്ചയും അത് മാത്രമായിരുന്നതിനാല്‍ ആ കടം എനിക്ക് മറക്കാനുമാവില്ലായിരുന്നു. ആ കടം വീട്ടാത്തതാണ് പാമ്പിനെ സ്വപ്നം കാണുന്നതെന്നും എത്രയും വേഗം അത് വീട്ടണമെന്നും പോളച്ചന്‍. വീട്ടേണ്ടത് എന്റേയും കൂടി ആവശ്യമായതിനാല്‍ കടം വീട്ടാമെന്ന് ഞാനും.

എറണാകുളത്ത് മനോരമയുടെ ആപ്പീസില്‍ പത്രത്തിന്‍റെ പണമടക്കാന്‍ പോകുമ്പോള്‍ പോളച്ചന്‍ തന്നെ ആ പണം ഇടപ്പള്ളി പള്ളിയില്‍ നേര്‍ച്ചയിട്ടുകൊള്ളാമെന്ന് ഏല്‍ക്കുക കൂടി ചെയ്തപ്പോള്‍ കാര്യങ്ങള്‍ കുറേക്കൂടി എളുപ്പമായി. അങ്ങിനെ ഏഴര രൂപക്ക് പകരം 15 രൂപയും പോളച്ചന് കൊടുത്ത് ഞാന്‍ ആ കടം വീട്ടിയതില്‍ പിന്നെ ദേ , ഇന്ന് വരെ ഞാന്‍ പാമ്പിനെ സ്വപ്നം കണ്ടിട്ടില്ല എന്ന് പറഞ്ഞാല്‍ നിങ്ങള്‍ വിശ്വസിക്കാതിരിക്കരുത്. ഇതൊരു നഗ്‌ന സത്യമാണ്. ഇപ്പോ ഇതൊക്കെ എന്തിന് പറയുന്നൂവെന്ന് ചോദിച്ചാല്‍ അതിനൊരു കാരണമുണ്ടായി.

കഴിഞ്ഞ ദിവസം സഫാരി പാര്‍ക്കില്‍ ചെന്നപ്പോഴാണ് വീണ്ടും ഇതൊക്കെ ഓര്‍ക്കാന്‍ ഇടയായത്. അവിടെ പെടത്താറാവിന്‍റെ കൂടെ നടക്കുന്ന കുറേ താറാക്കുഞ്ഞുങ്ങളെ കണ്ടപ്പോ എന്‍റെ മനസ്സിലേക്ക് ബാല്യകാലത്തെ ആ സംഭവം ഓടിയെത്തി. ഒരു പത്ത് വയസ്സുള്ളപ്പോഴായിരിക്കണം ഞാന്‍ ആദ്യമായി താറാവിന്‍ കുഞ്ഞുങ്ങളെ വിരിയിച്ചത്. കൊയ്ത്ത് കഴിഞ്ഞ പാടത്ത് നിന്നും പെറുക്കിയെടുക്കുന്ന ‘പിടുത്താള്‍’ അല്ലെങ്കില്‍ നെല്‍ക്കതിരുകള്‍ ഒരു തോര്‍ത്തുമുണ്ടിലാക്കി വീട്ടില്‍ കൊണ്ട് വന്ന് നെല്‍മണിയാക്കി അത് അടുത്തുള്ള കടയില്‍ കൊണ്ടുപോയി കൊടുത്ത് കിട്ടുന്ന പൈസയെല്ലാം വീടിന്‍റെ ചാണകം മെഴുകിയ മുറിയിലെ ഒരു മൂലയില്‍ കുഴിച്ചിട്ട കാശുകുടുക്കയിലിട്ട് കൂട്ടിക്കൂട്ടി വച്ച് അത് നിറഞ്ഞപ്പോള്‍ ആ കുടുക്ക പൊട്ടിച്ച് കിട്ടിയ കാശ്‌കൊണ്ടാണ് അന്ന് ഞാന്‍ പത്ത് താറാവിന്‍ മുട്ട വാങ്ങിയത്.

കിഴക്കേലെ മൂട ദേവസ്സിച്ചേട്ടന് അന്ന് താറാവ് കൃഷിയുണ്ടായിരുന്നു. പത്തിരുന്നൂറിലധികം വരുന്ന ഒരു വലിയ താറാവിന്‍ കൂട്ടം എന്നും അദ്ദേഹത്തിനുണ്ടായിരുന്നു. അവിടന്നാണ് ഞാന്‍ ആ പത്ത് കൊത്തുമുട്ടകള്‍ വാങ്ങിയത്. അപ്പാപ്പന് വയ്യാതായപ്പോള്‍ ഉണ്ടായിരുന്ന രണ്ട് കാളകളെയും നേരത്തേ തന്നെ വിറ്റിരുന്നു. പിന്നെ തൊഴുത്തില്‍ ബാക്കിയുണ്ടായിരുന്നത് ഒരു പശു മാത്രമായിരുന്നു. ആ വലിയ തൊഴുത്തിന്റെ ഒരു മൂലയില്‍ പശുവിടുന്ന ചാണകവും മൂത്രവുമൊന്നും ചാണകക്കുഴിയിലേക്ക് എത്താറില്ലാത്തതിനാല്‍ തൊഴുത്തിന്റെ പിറകിലുള്ള നീളമുള്ള ആ ചാണകക്കുഴി എപ്പോഴും ഉണങ്ങി വരണ്ടാണ് കിടക്കാറ്. ചാണകക്കുഴിയുടെ മുകളില്‍ തൊഴുത്തിന്‍റെ എറായി നീട്ടി പണിതിരുന്നതിനാല്‍ മഴക്കാലത്തും വെള്ളശല്യം ഉണ്ടാകാറില്ല. കുഴിയിലേക്കിറങ്ങാന്‍ ചെങ്കല്ലിന്‍റെ പടികളുണ്ടായിരുന്നു. വീതി കുറഞ്ഞ് നീണ്ട ആ ചാണകക്കുഴിയുടെ അങ്ങേ അറ്റത്ത് ഒരു കുട്ടയില്‍ കുറേ ഈളയൊക്കെയിട്ട് ഞാന്‍ ആ മുട്ടകള്‍ കൊത്തിക്കാന്‍ വച്ചു.

പത്ത് മുട്ടയും കൊത്തി വിരിഞ്ഞ് കേടുകൂടാതെ കിട്ടിയാല്‍ അതിലൊന്നിനെ വിറ്റ് കിട്ടുന്ന പൈസയുടെ പകുതി ഇടപ്പള്ളി ഗീവര്‍ഗ്ഗീസ് പുണ്യാളന് നേര്‍ച്ചയിട്ടു കൊള്ളാമെന്ന് ആ കുഴിയില്‍ വച്ച് തന്നെയാണ് ഞാനാ നേര്‍ച്ച നേര്‍ന്നതും. നിര്‍ഭാഗ്യവശാലോ ഭാഗ്യവശാലോ പത്തും കൊത്തിയിറങ്ങി. കാക്ക കൊണ്ട് പോകാതിരിക്കാന്‍ പത്തിനെയും നീലം മുക്കി കളര്‍ മാറ്റി വളര്‍ത്തി. കുറച്ച് വലുതായപ്പോള്‍ ദേവസ്സിച്ചേട്ടന്ന് തന്നെ ഞാന്‍ ആ പത്ത് താറാവിനെയും കൊടുത്തു. ഒന്നിന് പതിനഞ്ച് രൂപാ വച്ച് 150 രൂപായും കിട്ടി. അതിലൊന്നിന്‍റെ പകുതിയായിരുന്നൂ ആ ഏഴര രൂപ.

താറാവിനെയെല്ലാം കേടുകൂടാതെ കിട്ടിക്കഴിഞ്ഞപ്പോള്‍ ഞാന്‍ ആ നേര്‍ച്ചയുടെ കാര്യം മനപ്പൂര്‍വ്വം അങ്ങ് മറന്നു. പിന്നെയാകട്ടേ, പിന്നെയാകട്ടേ എന്ന് പറഞ്ഞ് പുണ്യാളനോട് അവധി പറഞ്ഞ് പറഞ്ഞ് ഞാനത് മറന്നും പോയി. പുണ്യാളനും അതൊക്കെ മറന്നുകാണുമെന്ന് ഞാന്‍ കരുതിയെങ്കിലും എനിക്ക് തെറ്റി. പുണ്യാളന്‍ ഉറക്കത്തില്‍ പാമ്പിനെ വിട്ട് ഇത്തരം ചതി ചെയ്യുമെന്ന് പോളച്ചന്‍ പറഞ്ഞപ്പോഴാണ് എനിക്ക് വിശ്വാസമായത്. ഉപബോധ മനസ്സില്‍ കിടന്നിരുന്ന കുറ്റബോധമോ അതോ പുണ്യാളന്റെ ഇടപെടലോ എന്നെനിക്ക് ഇപ്പോഴും ഉറപ്പില്ലെങ്കിലും അതൊരു അത്ഭുത സംഭവം തന്നെയായിരുന്നു.

കാലം പിന്നെയും ഒരുപാട് ഉരുണ്ടു, കൂടെ ഞാനും. പിന്നീട് ഉറക്കത്തില്‍ പാമ്പിന്‍റെ പൊടിപോലും കാണാന്‍ കിട്ടാതായി. പിന്നീടെപ്പോഴൊക്കെയോ വാമൊഴിയായും വരമൊഴിയായുമെല്ലാം പാമ്പിനെക്കുറിച്ച് ചിലതൊക്കെ കേട്ടപ്പോള്‍ എനിക്ക് വല്ലാത്ത സങ്കടമോ കുറ്റബോധമോ ഒക്കെ തോന്നി. പാമ്പ് സെക്‌സിന്റെ പ്രതീകമാണെന്നും, പാമ്പിനെ സ്വപ്നം കാണുന്നവര്‍ നല്ല വികാരമുള്ളവരായിരിക്കുമെന്നുമൊക്കെ അറിഞ്ഞപ്പോള്‍ ആ നേര്‍ച്ചയിട്ടത് അബദ്ധമായോ എന്നൊരു ചിന്ത. എന്നാല്‍ അക്കാലത്ത് ഞാനതൊക്കെ പുല്ല് പോലെ തള്ളി.

പാമ്പിനെ സ്വപ്നം കാണാതിരുന്നിട്ടും ഒരു കുഴപ്പവും കാണാതിരുന്നതിനാല്‍ ഞാനതിനേക്കുറിച്ചൊന്നും വേവലാതിപ്പെട്ടിട്ടേയില്ല. പക്ഷേ ഇപ്പോ ഇടക്കിടക്ക് അങ്ങിനെയൊരു ചിന്ത കടന്ന് വരുന്നു. നേര്‍ച്ചയിടാതിരുന്നെങ്കില്‍ ചിലപ്പോ കുറേക്കൂടി.. ഛെ.. ഇനീപ്പോ അതൊക്കെ പറഞ്ഞിട്ടെന്ത് കാര്യം. വാവിട്ട വാക്കും, കൈവിട്ട കല്ലും, പെട്ടിയിലിട്ട നേര്‍ച്ചയും തിരിച്ചെടുക്കാനാവില്ലല്ലോ.
മറ്റാര്‍ക്കെങ്കിലും ഉപകാരമായിക്കോട്ടേ എന്ന് കരുതി എഴുതിയെന്നേയുള്ളൂ. ഇപ്പോ ഇതൊക്കെ വായിച്ചപ്പോ നിങ്ങളുടെയൊക്കെ മനസ്സിലൊരു കുസൃതി ചോദ്യം കാണും. ഇല്ലേ? അത് വേണ്ട.. അതങ്ങ് മനസ്സില്‍തന്നെയിരിക്കട്ടെ.

joyകടപ്പാട് – ശ്രീ ജോയ് അഗസ്തിയുടെ ഫേസ്ബുക്ക് പോസ്റ്റ്‌സമകാലീന സംഭവങ്ങളെ നര്‍മ്മത്തില്‍ ചാലിച്ചു ചിന്തോദ്ദീപകമായ പോസ്റ്റുകള്‍ ഇടുന്ന ജോയ് അഗസ്തി ലിവര്‍പൂള്‍ മലയാളി അസോസിയേഷന്‍ സെക്രട്ടറിയും, യുക്മ സാംസ്കാരിക വേദി ഭാരവാഹിയുമാണ്‌.

വായനക്കാരുടെ അഭിപ്രായങ്ങള്‍ രേഖപ്പെടുത്താന്‍ താഴെയുള്ള കമന്റ് കോളം ഉപയോഗിക്കാവുന്നതാണ്. അവഹേളനമോ വ്യക്തിപരമായ അധിക്ഷേപങ്ങളോ അശ്‌ളീലമോ മതനിന്ദയോ ആകാവുന്ന പോസ്റ്റുകള്‍ സൈബര്‍ നിയമപ്രകാരം കുറ്റകരമാണ്.
Post Your Malayalam Comments ( Click here for Malayalam Comments )
Press Esc to close
other news
1 2 3 1,675

More Latest News

സ്റ്റാര്‍ ഹോട്ടല്‍ വേണമെന്ന് ഒടുക്കത്തെ വാശി; പരിധിവിട്ടപ്പോള്‍ ഞാന്‍ ചീത്തവിളിച്ചു; ജയറാം ചിത്രത്തില്‍ നിന്ന്

മമ്മൂട്ടി ചിത്രമായ കസബയിലൂടെ മലയാളത്തിലെത്തിയ നടിയാണ് വരലക്ഷ്മി. എന്നാല്‍ മലയാളത്തിലെ അവരുടെ രണ്ടാമത്തെ ചിത്രമായ ആകാശമിഠായിയില്‍ നിന്നും വരലക്ഷ്മിയെ പുറത്താക്കിയതായി വാര്‍ത്ത വന്നിരുന്നു. നിര്‍മാതാക്കളുമായി യോജിച്ച് പോകാന്‍ കഴിയാത്തതിനാല്‍ ചിത്രത്തില്‍ നിന്നും പിന്‍വാങ്ങുന്നുവെന്നായിരുന്നു നടി അറിയിച്ചത്. എന്നാല്‍ തനിക്ക് ലഭിച്ച ഹോട്ടല്‍ താമസസൗകര്യത്തില്‍ സംതൃപ്തയല്ലാത്തതിനാലാണ് വരലക്ഷമി ചിത്രം ഉപേക്ഷിച്ചതെന്ന് വ്യക്തമായി.

മംഗളം സിഇഒയെ പത്രപ്രവര്‍ത്തക യൂണിയനില്‍ നിന്നും പുറത്താക്കി

മന്ത്രി ഏകെ ശശീന്ദ്രന്റെ രാജിക്ക് ഇടയാക്കിയ ഹണി ട്രാപ്പ് സംഭവത്തില്‍ അറസ്റ്റിലായ മംഗളം ചാനല്‍ സിഇഒ അജിത്ത്കുമാറിനെ കേരള പത്രപ്രവര്‍ത്തക യൂണിയനില്‍(കെയുഡബ്ലിയുജെ) നിന്നും പുറത്താക്കി. പത്തനംതിട്ടയില്‍ ചേര്‍ന്ന യൂണിയന്റെ സംസ്ഥാന കമ്മിറ്റി യോഗത്തിലാണ് തീരുമാനം. അധാര്‍മ്മിക മാധ്യമപ്രവര്‍ത്തനം നടത്തിയെന്ന് ആരോപിച്ചാണ് നടപടി.

തിരുവനന്തപുരത്ത് കൊല്ലപ്പെട്ട നാല് പേരുടെയും മൃതദേഹങ്ങള്‍ ഏറ്റെടുക്കാന്‍ ആളില്ലാതെ മോര്‍ച്ചറി വരാന്തയില്‍; മൃതദേഹങ്ങള്‍

നന്ദന്‍കോട് കൊല്ലപ്പെട്ട നാലു പേരുടെ മൃതദേഹം തിരുവനന്തപുരം മെഡിക്കല്‍ കോളേജ് മോര്‍ച്ചറിക്ക് മുന്നില് അനാഥമായി കിടക്കുന്നു‍. ഇപ്പോള്‍ തന്നെ മൃതദേഹങ്ങള്‍ തിങ്ങിതിറഞ്ഞ മോര്‍ച്ചറിയില്‍ ഇവ സൂക്ഷിക്കാന്‍ സ്ഥലമില്ലെന്നാണ് ആശുപത്രി അധികൃതര്‍ പറയുന്നത്. ഒരു കുടുംബത്തിലെ നാല് പേരും മരണപ്പെടുകയും കൊലപാതകിയെന്ന് സംശയിക്കപ്പെടുന്ന കുടുംബത്തിലെ അവശേഷിച്ചക്കുന്നയാള്‍ ഒളിവില്‍ പോവുകയും ചെയ്തതോടെ മൃതദേഹങ്ങള്‍ ഏറ്റെടുക്കാനും ആളില്ല. മോര്‍ച്ചറിക്ക് മുന്നിലെ വരാന്തയില്‍ സൂക്ഷിച്ചിരിക്കുന്ന മൃതദേഹങ്ങള്‍ ഈച്ചയരിച്ച് ദുര്‍ഗന്ധം വമിച്ച് തുടങ്ങിയിട്ടുണ്ട്.

42000 അടി ഉയരത്തില്‍ ഒരു സുഖപ്രസവം; വിമാനകമ്പനി കുഞ്ഞിനു നല്‍കുന്ന സമ്മാനം

ഗിനിയയില്‍ നിന്നും ഇസ്താംബൂളിലേക്കു പോയ ടര്‍ക്കിഷ് എയര്‍ലൈന്‍സിലാണ് 42000 അടി ഉയരത്തില്‍ വച്ച് നാഫി ഡയബി എന്ന ഫ്രഞ്ച് യുവതി ഒരു പെണ്‍കുഞ്ഞിന് ജന്മം നല്‍കിയത്. കടിഞ്ഞു എന്നാണ് ഈ കുഞ്ഞിന്പേര് നല്‍കിയിരിക്കുന്നത്.

നന്തൻകോട്ട് കൂട്ടക്കൊല നടന്ന വീട്ടിനുള്ളിൽ നിന്നു കത്തിക്കരിഞ്ഞ നിലയിൽ ഡമ്മിയും; അതിബുദ്ധിമാനായ മകൻ ശ്രമിച്ചത്

നന്തൻകോട്ട് കൂട്ടക്കൊല നടന്ന വീട്ടിനുള്ളിൽ നിന്നു കത്തിക്കരിഞ്ഞ നിലയിൽ ഡമ്മി കണ്ടെത്തി. പകുതി കത്തിക്കരിഞ്ഞ നിലയിലാണ് ഡമ്മി. കൊല്ലപ്പെട്ട ദമ്പതികളുടെ കാണാതായ മകൻ കേഡൽ ജീൻസൺ രാജുമായി ഡമ്മിക്കു സാദൃശ്യമുണ്ട്. ജീൻസൺ തന്നെയാണ് കൃത്യം നടത്തിയതെന്ന സംശയം ബലപ്പെടുത്തുന്നതാണ് ഇപ്പോൾ കണ്ടെത്തിയിരിക്കുന്ന ഡമ്മി.

യുകെ മലയാളികള്‍ ഇടുക്കി ചാരിറ്റി ഗ്രൂപ്പിനെ അനുഗ്രഹിച്ചു; ഇതുവരെ ലഭിച്ചത് 1821 പൗണ്ട്

ഇടുക്കി ചാരിറ്റി ഗ്രൂപ്പ് തോപ്രാംകുടിയിലെ വര്‍ക്കി ജോസഫിനും മലയാറ്റൂരിലെ ഷാനുമോന്‍ ശശിധരനും വേണ്ടി നടത്തിക്കൊണ്ടിരിക്കുന്ന ചാരിറ്റിക്ക് ഇതുവരെ 1821 പൗണ്ട് ലഭിച്ചു. ചാരിറ്റി കളക്ഷന്‍ ഈ മാസം 17-ാം തിയതി തിങ്കളാഴ്ച വരെ തുടരാന്‍ ഇടുക്കി ചാരിറ്റി ഗ്രൂപ്പ് തീരുമാനിച്ചു. പിരിഞ്ഞു കിട്ടുന്ന പണം തൊട്ടടുത്തദിവസം നാട്ടില്‍ പോകുന്ന ഇടുക്കി സ്വദേശിയുടെ കൈവശം ചെക്കായി കൊടുത്തു വിട്ട് ബന്ധപ്പെട്ടവര്‍ക്ക് കൈമാറും എന്നറിയിക്കുന്നു.

മിമിക്രിയിൽ നിന്നും സിനിമാരംഗത്തേക്ക് വന്ന പ്രശസ്ത കലാകാരന്‍ അസീസിന് നെടുമങ്ങാടിന് ക്രൂരമർദ്ദനം

തിരുവനന്തപുരം നിശാഗന്ധി ഓഡിറ്റോറിയത്തില്‍ പ്രതിഷേധക്കൂട്ടായ്മ നടത്താന്‍ മിമികി കലാകാരന്മാര്‍ തീരുമാനിച്ചിട്ടുണ്ട്. വൈകിയെത്തിയത് സത്യമാണെങ്കിലും അതിന്റെ പേരില്‍ മര്‍ദിച്ചത് തീര്‍ത്തും പ്രതിഷേധാര്‍ഹമാണെന്ന് മിമിക്രി അസോസിയേഷന്‍ സെക്രട്ടറി കെ.എസ്. പ്രസാദ് പ്രതികരിച്ചു

മുൻധാരണകൾ തിരുത്തി ട്രംപ് - ഷി കൂടിക്കാഴ്ച; പുതിയ വാ​ണി​ജ്യ​ബ​ന്ധ​ങ്ങ​ൾ നൂ​റു​ദി​വ​സ​ത്തി​ന​കം

ചൈ​ന വി​ല താ​ഴ്ത്തി ക​യ​റ്റു​മ​തി ന​ട​ത്തി അ​മേ​രി​ക്ക​ൻ തൊ​ഴി​ലു​ക​ൾ മോ​ഷ്ടി​ക്കു​ന്നു എ​ന്ന നി​ല​പാ​ട് ട്രം​പ് തി​രു​ത്തി. ഷി​യാ​ക​ട്ടെ ചൈ​ന​യു​ടെ ഭീ​മ​മാ​യ വ്യാ​പ​ര​മി​ച്ചം സ്വ​ന്ത​രാ​ജ്യ​ത്ത് പ​ണ​പ്പെ​രു​പ്പം കൂ​ട്ടു​ന്നു​വെ​ന്ന് തു​റ​ന്നു​പ​റ​ഞ്ഞു. അ​മേ​രി​ക്ക​ൻ ക​യ​റ്റു​മ​തി കൂ​ട്ടാ​നും ചൈ​ന​യു​ടെ വ്യാ​പാ​ര​മി​ച്ചം കു​റ​യ്ക്കാ​നു​മു​ള്ള ച​ർ​ച്ച​ക​ൾ 100 ദി​വ​സം കൊ​ണ്ട് ഫ​ല​പ്രാ​പ്തി​യി​ലെ​ത്തി​ക്കാ​ൻ ധാ​ര​ണ​യു​ണ്ടാ​യ​തു വ​ലി​യ നേ​ട്ട​മാ​യി.

ഒരു കുടുംബത്തിലെ നാലു പേരെ കൊല്ലപ്പെട്ട നിലയില്‍ കണ്ടെത്തിയ സംഭവം; മകന്‍ കേഡൽ

നന്തൻകോട് ക്ലിഫ്ഹൗസിന് സമീപമുള്ള വീടിനുള്ളിൽ ഒരു കുടുംബത്തിലെ നാലു പേരെ കൊല്ലപ്പെട്ട നിലയിൽ കണ്ടെത്തി. മാർത്താണ്ഡം നേശമണി കോളേജിൽ ഹിസ്‌റ്ററി പ്രൊഫസറായി വിരമിച്ച രാജാ തങ്കം, ഭാര്യ റിട്ട.ഡോക്ടർ ജീൻ പദ്മ, മകൾ കരോലിൻ, ജീൻ പദ്മയുടെ കുഞ്ഞമ്മ ലളിത എന്നിവരാണ് മരിച്ചത്.

അവസാനം ആ വീട് വിറ്റു ! വിജയമല്യയുടെ ഗോവയിലെ ആഡംബര വില്ല വിറ്റ

കഴിഞ്ഞ രണ്ടു തവണയും ലേലം നടത്താനുള്ള നീക്കം പാളിയിരുന്നു. 2016 ഒക്ടോബറിൽ നടന്ന ആദ്യ ലേലത്തിൽ അടിസ്ഥാന വിലയായി 85.29 കോടി രൂപയാണു നിശ്ചയിച്ചിരുന്നത്. ഡിസംബറിൽ നടത്തിയ ലേലത്തിൽ 81 കോടിയാക്കി കുറച്ചെങ്കിലും ആരും ലേലം വിളിച്ചില്ല. തുടർന്ന് ഈ വർഷം മാർച്ച് ആറിനു നടത്തിയ ലേലത്തിൽ വില 73 കോടിയാക്കി കുറച്ചിരുന്നു

മിനിമം വേതനം മണിക്കൂറിന് 10 പൗണ്ടാക്കുമെന്ന് കോര്‍ബിന്‍

ലണ്ടന്‍: മിനിമം വേതനം വര്‍ദ്ധിപ്പിക്കുമെന്ന വാഗ്ദാനവുമായി തെരഞ്ഞെടുപ്പ് പ്രചാരണം ലേബര്‍ പാര്‍ട്ടി ആരംഭിച്ചു. അടുത്ത പൊതുതെരഞ്ഞെടുപ്പില്‍ തങ്ങള്‍ വിജയിച്ചാല്‍ മാസങ്ങള്‍ക്കുള്ളില്‍ വേതന വര്‍ദ്ധനവ് നടപ്പിലാക്കുമെന്നാണ് ജെറമി കോര്‍ബിന്‍ പ്രഖ്യാപിച്ചത്. മണിക്കൂറിന് 10 പൗണ്ട് കുറഞ്ഞ വേതനം ലഭ്യമാക്കുന്ന വിധത്തിലാണ് മാറ്റങ്ങള്‍ വിഭാവനം ചെയ്യുന്നത്. 2020ഓടെ തൊഴിലാളികള്‍ക്ക് മികച്ച മിനിമം വേതനം ലഭ്യമാക്കാനാണ് ഉദ്ദേശിക്കുന്നത്. സര്‍ക്കാര്‍ ഇപ്പോള്‍ ലക്ഷ്യമിടുന്നതിലും കൂടുതലാണ് ലേബര്‍ ലക്ഷ്യമിടുന്ന നിരക്ക്.

പരീക്ഷാഫലം ഉയര്‍ത്താന്‍ വിചിത്ര മാര്‍ഗവുമായി സ്‌കൂള്‍; വിദ്യാര്‍ത്ഥികളുടെ വീട്ടില്‍നിന്നും എക്‌സ്‌ബോക്‌സുകളും പ്ലേസ്റ്റേഷനുകളും പിടിച്ചെടുക്കുന്നു

ലണ്ടന്‍: ഇംഗ്ലണ്ടിലെ മുന്‍നിര അക്കാഡമി, പരീക്ഷാഫലം ഉയര്‍ത്തുന്നതിനായി വിചിത്ര മാര്‍ഗം അവലംബിക്കുന്നു. വിദ്യാര്‍ത്ഥികളുടെ വീട്ടില്‍ നിന്ന് എക്‌സ്‌ബോക്‌സുകളും പ്ലേ സ്റ്റേഷനുകളും സ്‌കൂള്‍ അധികൃതര്‍ പിടിച്ചെടുത്തു. കിംഗ് സോളമന്‍ അക്കാഡമിയാണ് വിചിത്ര നടപടിയുമായി രംഗത്തെത്തിയത്. രക്ഷിതാക്കളുടെ സമ്മതത്തോടെ ഇത്തരം യെിമിംഗ് ഉപകരണങ്ങളും മൊബൈല്‍ ഫോണുകളും പിടിച്ചെടുത്തതായി പ്രിന്‍സിപ്പല്‍ മാക്‌സ് ഹെയ്മന്‍ഡോര്‍ഫ് അറിയിച്ചു. ഗ്രേഡുകള്‍ ഉയര്‍ത്താനും വിദ്യാര്‍ത്ഥികളുടെ പെരുമാറ്റം നന്നാക്കാനുമാണ് നടപടിയെന്നാണ് വിശദീകരണം.

വെള്ളാപ്പള്ളിയിലും വീഴ്ച വരുത്താനൊരുങ്ങി പൊലീസ്; കേസില്‍ ഒന്നാം പ്രതിയുടെ മൊഴിയെടുക്കാന്‍ പോയത് രണ്ടാം പ്രതിയുടെ

ആലപ്പുഴ: വെളളാപ്പളളി നടേശന്‍ എന്‍ജിനീയറിങ് കോളെജിലെ വിദ്യാര്‍ത്ഥി ആത്മഹത്യയ്ക്ക് ശ്രമിച്ച സംഭവത്തിലെ കേസന്വേഷണത്തിലും പൊലീസിന് വീഴ്ച. മൊഴിയെടുക്കാന്‍ പോയ വളളികുന്നം പൊലീസ് സ്റ്റേഷനിലെ രണ്ടു പൊലീസുകാരാണ് അന്വേഷണത്തിന്റെ ആദ്യഘട്ടത്തില്‍ തന്നെ വീഴ്ച വരുത്തിയത്. രണ്ടാംപ്രതിയും ബിഡിജെഎസ് നേതാവുമായ കോളേജ് മാനേജര്‍ സുഭാഷ് വാസുവിന്റെ കാറിലാണ് പൊലീസുകാര്‍ മൊഴിയെടുക്കാന്‍ എത്തിയത്.

അഞ്ച് വര്‍ഷത്തേക്ക് കുടിയേറ്റ നിരോധനം ഏര്‍പ്പെടുത്തണമെന്ന് ടോറി എംപിമാര്‍; തദ്ദേശവല്‍ക്കരണം യുകെയിലും?

ലണ്ടന്‍: ഗള്‍ഫ് നാടുകളില്‍ പ്രാവര്‍ത്തികമാക്കിക്കൊണ്ടിരിക്കുന്ന തേേദ്ദശവല്‍ക്കരണം യുകെയിലെ തൊഴില്‍മേഖലകളിലും വരുമോ എന്ന് ആശങ്ക. രാജ്യത്ത് അഞ്ച് വര്‍ഷത്തേക്ക് കുടിയേറ്റ നിരോധനം ഏര്‍പ്പെടുത്തണമെന്ന് മുതിര്‍ന്ന കണ്‍സര്‍വേറ്റീവ് എംപിമാര്‍ പ്രധാനമന്ത്രിയോട് ആവശ്യപ്പെട്ടു. അവിദഗ്ദ്ധ മേഖലയിലെ വിസകള്‍ നിയന്ത്രിച്ച് ചെറുപ്പക്കാരും തൊഴിലില്ലാത്തവരുമായ യുകെ പൗരന്‍മാര്‍ക്ക് അവസരം നല്‍കണമെന്നാണ് ഇവര്‍ ആവശ്യപ്പെടുന്നത്. യൂറോപ്യന്‍ സിംഗിള്‍ മാര്‍ക്കറ്റില്‍ നിന്ന് പുറത്തു പോകണമെന്നും അതിര്‍ത്തികളില്‍ യുകെ ആധിപത്യം സ്ഥാപിക്കണമെന്നും ആവശ്യപ്പെടുന്ന കടുത്ത ബ്രെക്‌സിറ്റ് അനുകൂലികളായ എംപിമാരാണ് ഈ ആവശ്യവുമായി രംഗത്തെത്തിയിരിക്കുന്നത്.

ജിഷ്ണുകേസ്, വൈസ് പ്രിന്‍സിപ്പല്‍ ശക്തിവേല്‍ കോയമ്പത്തൂരിൽ അറസ്റ്റില്‍; പോലീസ് പ്രഖ്യാപിച്ച പാരിതോഷികം വേണ്ടെന്ന് വിവരം

ശക്തിവേലിന്റെ അറസ്റ്റുവിവരം പുറത്തുവരുമുന്‍പുതന്നെ ജിഷ്ണുവിന്റെ കുടുംബവുമായി സര്‍ക്കാര്‍ ചര്‍ച്ചയ്ക്ക് ശ്രമം തുടങ്ങിയിരുന്നു. സര്‍ക്കാര്‍ നിയോഗിച്ച സ്പെഷ്യല്‍ പ്രോസിക്യൂട്ടര്‍ സി.പി.ഉദയഭാനുവും സ്റ്റേറ്റ് അറ്റോര്‍ണി എം.വി.സോഹനും എന്നിവര്‍ തിരുവനന്തപുരം മെഡിക്കല്‍ കോളജില്‍ ജിഷ്ണുവിന്റെ അമ്മയേയും അമ്മാവനേയും കാണും. നേരത്തേ സിപിഐ സംസ്ഥാനസെക്രട്ടറി കാനം രാജേന്ദ്രന്‍ ജിഷ്ണുവിന്റെ ബന്ധുക്കളുമായി ആശുപത്രിയില്‍ കൂടിക്കാഴ്ച നടത്തിയിരുന്നു.

യുഎസ് ഉത്തരകൊറിയക്കെതിരേ പടപ്പുറപ്പാട് തുടങ്ങി; വിമാനവാഹിനി കപ്പൽ കൊറിയൻ ഉപദ്വീപിൽ, ലോകരാജ്യങ്ങൾ ആശങ്കയിൽ

ഉത്തരകൊറിയക്കെതിരേ യുഎസ് സൈന്യം പടപ്പുറപ്പാട് തുടങ്ങിയതായി റിപ്പോർട്ട്. കൊറിയൻ ഉപദ്വീപിൽ യുഎസ് വിമാനവാഹിനി കപ്പൽ നങ്കൂരമിട്ടതായാണ് റിപ്പോർട്ടുകൾ. വിമാനവാഹിനി കപ്പലായ യുഎസ്എസ് കാൾ വിൻസനാണ് നങ്കൂരമിട്ടിരിക്കുന്നത്. കഴിഞ്ഞ മാസം ദക്ഷിണകൊറിയൻ സൈന്യവുമായി അമേരിക്ക നടത്തിയ സംയുക്ത അഭ്യാസ പ്രകടനങ്ങളിലും കാൾ വിൻസണ്‍ പങ്കാളിയായിരുന്നു. അതേസമയം, സിറിയക്ക് പിന്നാലെ ഉത്തരകൊറിയക്കെതിരെയും നടപടികളുമായി അമേരിക്ക മുന്നോട്ട് പോവുന്നത് ലോകരാജ്യങ്ങൾ ആശങ്കയോടെയാണ് കാണുന്നത്.
© Copyright MALAYALAM UK 2018. All rights reserved.
Please wait...

2017 Calender Request Form

ആളുകള്‍ വ്യാജ വിലാസങ്ങള്‍ നല്കാന്‍ ഇടയുളളതിനാല്‍ ടെലിഫോണില്‍ വിളിച്ച് വിലാസം ഉറപ്പുവരുത്തിയ ശേഷം ആയിരിക്കും കലണ്ടര്‍ അയക്കുക. ശരിയായ ടെലിഫോണ്‍ നമ്പര്‍ ചേര്‍ക്കാത്തവര്‍ക്ക് കലണ്ടര്‍ അയയ്ക്കുന്നതല്ല.