പ്രവാസികള്‍ ആനയും അമ്പാരിയും ഒരുക്കുന്നത് എന്തിനുവേണ്ടി? മാസാന്ത്യാവലോകനം

പ്രവാസികള്‍ ആനയും അമ്പാരിയും ഒരുക്കുന്നത് എന്തിനുവേണ്ടി? മാസാന്ത്യാവലോകനം

ജോജി തോമസ്

ബ്രിട്ടനിലെ മലയാളി കുടിയേറ്റം ശക്തമായ കാലം മുതല്‍ കാണുന്ന ഒരു പ്രതിഭാസമാണ് നിശ്ചിതമായ ഇടവേളകളില്‍ രാഷ്ട്രീയ മത നേതാക്കളുടെ സന്ദര്‍ശനം. മലയാളി സമൂഹം എണ്ണത്തിലും സമ്പത്തിലും ബ്രിട്ടനില്‍ വളരുന്തോറും മേല്‍ സൂചിപ്പിച്ച സന്ദര്‍ശനങ്ങളുടെ എണ്ണം കൂടിവരികയാണ്. ഇടതു വലതു വ്യത്യാസമില്ലാതെ രാഷ്ട്രീയ നേതാക്കന്‍മാര്‍ ബ്രിട്ടന്‍ സന്ദര്‍ശിക്കുന്നതില്‍ താല്‍പര്യം കാട്ടുന്നുണ്ട്. പക്ഷേ കഴിഞ്ഞ കുറേക്കാലങ്ങളായി ഈ സന്ദര്‍ശനങ്ങള്‍ ബ്രിട്ടനിലെ പ്രവാസി മലയാളികളെ പലവിധത്തിലും മുതലെടുപ്പിനുള്ള ഒരു വേദിയായി ഉപയോഗപ്പെടുത്തി കാണുന്നുണ്ട്.

രാഷ്ട്രീയ ആത്മീയ നേതാക്കന്‍മാരുടെ സ്വകാര്യ സന്ദര്‍ശനങ്ങളില്‍ ഒരുപക്ഷേ നമുക്ക് അഭിപ്രായം പറയാനോ കൈകടത്താനോ അവകാശമില്ലായിരിക്കും. പക്ഷേ ഈ സ്വകാര്യ സന്ദര്‍ശനങ്ങള്‍ പലപ്പോഴും പൊതുപരിപാടികളായി പരിണമിക്കുന്നുണ്ട്. ഇതിന് പ്രധാനമായും രണ്ട് കാരണങ്ങളാണ് ഉള്ളത്. സ്വകാര്യ സന്ദര്‍ശനത്തിന് എത്തുന്ന നേതാക്കന്‍മാര്‍ അവരുടെ പേരും പെരുമയും വര്‍ദ്ധിപ്പിക്കുന്നതിനുള്ള വേദികള്‍ തേടുന്നതും അതുപോലെതന്നെ ബ്രിട്ടനില്‍ അവരുമായി എന്തെങ്കിലും ബന്ധമുള്ളവര്‍ തങ്ങളുടെ പ്രശസ്തിക്കുവേണ്ടി നേതാക്കന്‍മാര്‍ക്ക് സ്വീകരണങ്ങളും വേദികളും സംഘടിപ്പിക്കുന്നതുമാണ് പ്രധാന കാരണങ്ങള്‍. എന്തുകൊണ്ടായാലും ഇത്തരം പൊതുപരിപാടികള്‍ക്ക് സമയവും പണവും പാഴാക്കി പങ്കെടുക്കുന്ന, അല്ലെങ്കില്‍ പങ്കെടുക്കാന്‍ നിര്‍ബന്ധിതരാകുന്ന ഒരു സാധാരണ ബ്രിട്ടീഷ് മലയാളിക്ക് ഇതുകൊണ്ട് എന്തു പ്രയോജനമാണ് ഉണ്ടാകുന്നതെന്നതാണ് പ്രസക്തമായ ചോദ്യം.

കഴിഞ്ഞ ഒരു വര്‍ഷത്തിനിടയില്‍ രാഷ്ട്രീയരംഗത്തെ വളരെയധികം പ്രമുഖ വ്യക്തികള്‍ ബ്രിട്ടനില്‍ സന്ദര്‍ശനം നടത്തുകയുണ്ടായി. ഇതില്‍ പ്രധാനമാണ് പൂഞ്ഞാര്‍ പുലിയെന്ന പേരില്‍ പി.സി. ജോര്‍ജ് പൂഞ്ഞാര്‍ എംഎല്‍എയെന്ന ബോര്‍ഡും വെച്ച് ബ്രിട്ടനിലെമ്പാടും സന്ദര്‍ശനം നടത്തിയത്. ഉമ്മന്‍ ചാണ്ടിയെപ്പോലെ പല പ്രമുഖരും ബ്രിട്ടന്‍ സന്ദര്‍ശിക്കാനുള്ള ഒരുക്കത്തിലുമാണ്. പക്ഷേ രാഷ്ട്രീയത്തിലെ ഈ താരങ്ങളൊന്നും ബ്രിട്ടനിലാണെങ്കിലും ഗള്‍ഫ് രാജ്യങ്ങളിലാണെങ്കിലും മലയാളികളെ സന്ദര്‍ശിച്ചിട്ട് മടങ്ങുന്നതല്ലാതെ തിരിച്ച് നാട്ടിലെത്തിക്കഴിയുമ്പോള്‍ പ്രവാസികളുടെ പ്രശ്‌നങ്ങള്‍ എന്തെങ്കിലും ഏതെങ്കിലും വേദിയില്‍ ഉന്നയിച്ചതായോ പരിഹാരം കാണാന്‍ ശ്രമിച്ചതായോ നമ്മുടെ അറിവിലില്ല. ഇവിടെയാണ് നമ്മള്‍ എന്തിനുവേണ്ടി ഈ നേതാക്കന്‍മാരെ ചുമക്കണം എന്ന ചോദ്യം വീണ്ടും പ്രസക്തമാകുന്നത്.

ഇന്ത്യയിലെ ഒരു പ്രമുഖ രാഷ്ട്രീയ പാര്‍ട്ടിക്ക് ബ്രിട്ടനില്‍ ഒരു പോഷക സംഘടനതന്നെയുണ്ട്. ആ സംഘടനയിലെ ബഹുഭൂരിപക്ഷത്തിന് ബ്രിട്ടീഷ് പൗരത്വമാണ് ഉള്ളത്. പൗരത്വമുള്ള രാജ്യത്തെ രാഷ്ട്രീയ കാര്യങ്ങളില്‍ കാണിക്കുന്നതിന്റെ പല മടങ്ങ് താല്‍പര്യമാണ് ഇന്ത്യന്‍ രാഷ്ട്രീയത്തില്‍ കാണിക്കുന്നത്. ഈ താല്‍പര്യം പ്രവാസികളുടെ ജീവിതത്തില്‍ ക്രിയാത്മകമായ ഇടപെടലിനോ പരിവര്‍ത്തനത്തിനോ കാരണമാകുന്നുണ്ടെങ്കില്‍ ന്യായീകരണങ്ങള്‍ കണ്ടെത്താമായിരുന്നു. പ്രസ്തുത പോഷക സംഘടനയുടെ മാതൃസംഘടന പതിറ്റാണ്ടുകള്‍ കേന്ദ്രത്തില്‍ അധികാരത്തിലിരുന്നതാണ്. ഇന്ത്യയുടെ സമ്പദ്ഘടനയില്‍ നിര്‍ണ്ണായക സംഭാവനകള്‍ നല്‍കുന്ന പ്രവാസികള്‍ക്ക് ഇരട്ട പൗരത്വവും മാതൃരാജ്യത്തിന്റെ ജനാധിപത്യ പ്രക്രിയയില്‍ പങ്കെടുക്കാന്‍ സാധിക്കുന്ന തരത്തില്‍ വോട്ടവകാശവും നല്‍കുവാന്‍ സാധിക്കുമായിരുന്നു. ഇതൊന്നുമില്ലാതെ കഴുത കാമം കരഞ്ഞു തീര്‍ക്കും എന്ന് പറയുന്ന തരത്തിലുള്ള രാഷ്ട്രീയ പ്രവര്‍ത്തനമാണ് ചില പ്രവാസി സംഘടനകള്‍ നടത്തുന്നത്. സ്വദേശത്തെ ജനാധിപത്യ പ്രക്രിയയില്‍ ഒരു പങ്കും വഹിക്കാനില്ലാത്തവര്‍, സ്വദേശത്തായിരുന്ന കാലത്ത് അത്യാവശ്യം സംഘടനാ പ്രവര്‍ത്തനം നടത്തുകയും പിന്നീട് പ്രവാസിയാകുകയും ചെയ്തവര്‍ തങ്ങളുടെ മുന്‍കാല നേതാക്കന്‍മാരെ ബ്രിട്ടനില്‍ ആനയിക്കാനും എഴുന്നള്ളിക്കാനും പ്രവാസിയുടെ സമയം കവര്‍ന്നെടുക്കുകയാണ്.

ആത്മീയ മേഖലയിലും ഇത്തരം പ്രവണതകള്‍ വിരളമല്ല. ആത്മീയ നേതാക്കന്‍മാരുടെ സ്വകാര്യ സന്ദര്‍ശനങ്ങള്‍ ചിലപ്പോളെങ്കിലും വ്യവസ്ഥാപിത സംവിധാനങ്ങളില്‍ പ്രശ്‌നങ്ങളും ഉലച്ചിലുകളും ഉണ്ടാക്കുകയും അത് പ്രവാസി സമൂഹത്തിന്റെ അസ്വസ്ഥതക്ക് കാരണമാകുകയും ചെയ്യുന്നുണ്ട്. ഇഷ്ടക്കാരുടെയും സ്വന്തക്കാരുടെയും ആവശ്യങ്ങള്‍ വ്യവസ്ഥാപിത സംവിധാനങ്ങളെ മറികടന്ന് നിവര്‍ത്തിച്ചു കൊടുക്കുന്നതാണ് ഇതിന് കാരണമാകുന്നത്. ആത്മീയ രംഗത്ത് പ്രവര്‍ത്തിക്കുന്നവര്‍ തങ്ങളുടെ സേവന കാലാവധി കഴിഞ്ഞ് ഇന്ത്യയില്‍ എത്തിയ ശേഷം ബ്രിട്ടനിലെ തങ്ങളുടെ വിസ സ്റ്റാറ്റസ് സംരക്ഷിക്കുന്നതിനായി ബോധപൂര്‍വം പരിപാടികള്‍ സംഘടിപ്പിച്ച് പ്രവാസികളില്‍ അനാവശ്യമായ സാമ്പത്തിക ബാധ്യത ഉണ്ടാക്കുന്ന പ്രവണതയും കാണുന്നുണ്ട്.

പ്രവാസി മലയാളിയുടെ ഒരു വേദിയിലേക്ക് നാട്ടിലെ പ്രമുഖരെ ക്ഷണിക്കുന്നതില്‍ യാതൊരു അപാകതയുമില്ല. മറിച്ച് നേതാക്കന്‍മാരുടെ പ്രീതി പിടിച്ചുപറ്റാനും തങ്ങളുടെ പ്രമാണിത്വം കാട്ടാനും സൃഷ്ടിക്കപ്പെടുന്ന വേദികള്‍ ബ്രിട്ടീഷ് മലയാളിക്ക് യാതൊരുവിധ പ്രയോജനവും നല്‍കുന്നില്ല. ഇത്തരത്തിലുള്ള പരിപാടികളുടെ സംഘാടകരും പണവും സമയവും പാഴാക്കുന്നവരും പുനര്‍വിചിന്തനം നടത്തേണ്ട സമയമായിരിക്കുകയാണ്.

jojyവേക്ക്ഫീല്‍ഡില്‍ താമസിക്കുന്ന ജോജി തോമസ്‌ മലയാളം യുകെ ന്യൂസ് ടീം മെമ്പറും, ആനുകാലിക സംഭവങ്ങള്‍ നിരീക്ഷിച്ച് പൊതു ജനങ്ങളുടെ മുന്‍പിലേക്ക് എത്തിക്കുന്ന സാമൂഹ്യ നിരീക്ഷകനുമാണ്. ജോജി തോമസ് എല്ലാ മാസാന്ത്യങ്ങളിലും മലയാളം യുകെയില്‍ മാസാന്ത്യാവലോകനം എന്ന പംക്തി കൈകാര്യം ചെയ്തു വരുന്നു.

               

വായനക്കാരുടെ അഭിപ്രായങ്ങള്‍ രേഖപ്പെടുത്താന്‍ താഴെയുള്ള കമന്റ് കോളം ഉപയോഗിക്കാവുന്നതാണ്. അവഹേളനമോ വ്യക്തിപരമായ അധിക്ഷേപങ്ങളോ അശ്‌ളീലമോ മതനിന്ദയോ ആകാവുന്ന പോസ്റ്റുകള്‍ സൈബര്‍ നിയമപ്രകാരം കുറ്റകരമാണ്.
Post Your Malayalam Comments ( Click here for Malayalam Comments )
Press Esc to close
other news
1 2 3 1,675

More Latest News

സ്റ്റാര്‍ ഹോട്ടല്‍ വേണമെന്ന് ഒടുക്കത്തെ വാശി; പരിധിവിട്ടപ്പോള്‍ ഞാന്‍ ചീത്തവിളിച്ചു; ജയറാം ചിത്രത്തില്‍ നിന്ന്

മമ്മൂട്ടി ചിത്രമായ കസബയിലൂടെ മലയാളത്തിലെത്തിയ നടിയാണ് വരലക്ഷ്മി. എന്നാല്‍ മലയാളത്തിലെ അവരുടെ രണ്ടാമത്തെ ചിത്രമായ ആകാശമിഠായിയില്‍ നിന്നും വരലക്ഷ്മിയെ പുറത്താക്കിയതായി വാര്‍ത്ത വന്നിരുന്നു. നിര്‍മാതാക്കളുമായി യോജിച്ച് പോകാന്‍ കഴിയാത്തതിനാല്‍ ചിത്രത്തില്‍ നിന്നും പിന്‍വാങ്ങുന്നുവെന്നായിരുന്നു നടി അറിയിച്ചത്. എന്നാല്‍ തനിക്ക് ലഭിച്ച ഹോട്ടല്‍ താമസസൗകര്യത്തില്‍ സംതൃപ്തയല്ലാത്തതിനാലാണ് വരലക്ഷമി ചിത്രം ഉപേക്ഷിച്ചതെന്ന് വ്യക്തമായി.

മംഗളം സിഇഒയെ പത്രപ്രവര്‍ത്തക യൂണിയനില്‍ നിന്നും പുറത്താക്കി

മന്ത്രി ഏകെ ശശീന്ദ്രന്റെ രാജിക്ക് ഇടയാക്കിയ ഹണി ട്രാപ്പ് സംഭവത്തില്‍ അറസ്റ്റിലായ മംഗളം ചാനല്‍ സിഇഒ അജിത്ത്കുമാറിനെ കേരള പത്രപ്രവര്‍ത്തക യൂണിയനില്‍(കെയുഡബ്ലിയുജെ) നിന്നും പുറത്താക്കി. പത്തനംതിട്ടയില്‍ ചേര്‍ന്ന യൂണിയന്റെ സംസ്ഥാന കമ്മിറ്റി യോഗത്തിലാണ് തീരുമാനം. അധാര്‍മ്മിക മാധ്യമപ്രവര്‍ത്തനം നടത്തിയെന്ന് ആരോപിച്ചാണ് നടപടി.

തിരുവനന്തപുരത്ത് കൊല്ലപ്പെട്ട നാല് പേരുടെയും മൃതദേഹങ്ങള്‍ ഏറ്റെടുക്കാന്‍ ആളില്ലാതെ മോര്‍ച്ചറി വരാന്തയില്‍; മൃതദേഹങ്ങള്‍

നന്ദന്‍കോട് കൊല്ലപ്പെട്ട നാലു പേരുടെ മൃതദേഹം തിരുവനന്തപുരം മെഡിക്കല്‍ കോളേജ് മോര്‍ച്ചറിക്ക് മുന്നില് അനാഥമായി കിടക്കുന്നു‍. ഇപ്പോള്‍ തന്നെ മൃതദേഹങ്ങള്‍ തിങ്ങിതിറഞ്ഞ മോര്‍ച്ചറിയില്‍ ഇവ സൂക്ഷിക്കാന്‍ സ്ഥലമില്ലെന്നാണ് ആശുപത്രി അധികൃതര്‍ പറയുന്നത്. ഒരു കുടുംബത്തിലെ നാല് പേരും മരണപ്പെടുകയും കൊലപാതകിയെന്ന് സംശയിക്കപ്പെടുന്ന കുടുംബത്തിലെ അവശേഷിച്ചക്കുന്നയാള്‍ ഒളിവില്‍ പോവുകയും ചെയ്തതോടെ മൃതദേഹങ്ങള്‍ ഏറ്റെടുക്കാനും ആളില്ല. മോര്‍ച്ചറിക്ക് മുന്നിലെ വരാന്തയില്‍ സൂക്ഷിച്ചിരിക്കുന്ന മൃതദേഹങ്ങള്‍ ഈച്ചയരിച്ച് ദുര്‍ഗന്ധം വമിച്ച് തുടങ്ങിയിട്ടുണ്ട്.

42000 അടി ഉയരത്തില്‍ ഒരു സുഖപ്രസവം; വിമാനകമ്പനി കുഞ്ഞിനു നല്‍കുന്ന സമ്മാനം

ഗിനിയയില്‍ നിന്നും ഇസ്താംബൂളിലേക്കു പോയ ടര്‍ക്കിഷ് എയര്‍ലൈന്‍സിലാണ് 42000 അടി ഉയരത്തില്‍ വച്ച് നാഫി ഡയബി എന്ന ഫ്രഞ്ച് യുവതി ഒരു പെണ്‍കുഞ്ഞിന് ജന്മം നല്‍കിയത്. കടിഞ്ഞു എന്നാണ് ഈ കുഞ്ഞിന്പേര് നല്‍കിയിരിക്കുന്നത്.

നന്തൻകോട്ട് കൂട്ടക്കൊല നടന്ന വീട്ടിനുള്ളിൽ നിന്നു കത്തിക്കരിഞ്ഞ നിലയിൽ ഡമ്മിയും; അതിബുദ്ധിമാനായ മകൻ ശ്രമിച്ചത്

നന്തൻകോട്ട് കൂട്ടക്കൊല നടന്ന വീട്ടിനുള്ളിൽ നിന്നു കത്തിക്കരിഞ്ഞ നിലയിൽ ഡമ്മി കണ്ടെത്തി. പകുതി കത്തിക്കരിഞ്ഞ നിലയിലാണ് ഡമ്മി. കൊല്ലപ്പെട്ട ദമ്പതികളുടെ കാണാതായ മകൻ കേഡൽ ജീൻസൺ രാജുമായി ഡമ്മിക്കു സാദൃശ്യമുണ്ട്. ജീൻസൺ തന്നെയാണ് കൃത്യം നടത്തിയതെന്ന സംശയം ബലപ്പെടുത്തുന്നതാണ് ഇപ്പോൾ കണ്ടെത്തിയിരിക്കുന്ന ഡമ്മി.

യുകെ മലയാളികള്‍ ഇടുക്കി ചാരിറ്റി ഗ്രൂപ്പിനെ അനുഗ്രഹിച്ചു; ഇതുവരെ ലഭിച്ചത് 1821 പൗണ്ട്

ഇടുക്കി ചാരിറ്റി ഗ്രൂപ്പ് തോപ്രാംകുടിയിലെ വര്‍ക്കി ജോസഫിനും മലയാറ്റൂരിലെ ഷാനുമോന്‍ ശശിധരനും വേണ്ടി നടത്തിക്കൊണ്ടിരിക്കുന്ന ചാരിറ്റിക്ക് ഇതുവരെ 1821 പൗണ്ട് ലഭിച്ചു. ചാരിറ്റി കളക്ഷന്‍ ഈ മാസം 17-ാം തിയതി തിങ്കളാഴ്ച വരെ തുടരാന്‍ ഇടുക്കി ചാരിറ്റി ഗ്രൂപ്പ് തീരുമാനിച്ചു. പിരിഞ്ഞു കിട്ടുന്ന പണം തൊട്ടടുത്തദിവസം നാട്ടില്‍ പോകുന്ന ഇടുക്കി സ്വദേശിയുടെ കൈവശം ചെക്കായി കൊടുത്തു വിട്ട് ബന്ധപ്പെട്ടവര്‍ക്ക് കൈമാറും എന്നറിയിക്കുന്നു.

മിമിക്രിയിൽ നിന്നും സിനിമാരംഗത്തേക്ക് വന്ന പ്രശസ്ത കലാകാരന്‍ അസീസിന് നെടുമങ്ങാടിന് ക്രൂരമർദ്ദനം

തിരുവനന്തപുരം നിശാഗന്ധി ഓഡിറ്റോറിയത്തില്‍ പ്രതിഷേധക്കൂട്ടായ്മ നടത്താന്‍ മിമികി കലാകാരന്മാര്‍ തീരുമാനിച്ചിട്ടുണ്ട്. വൈകിയെത്തിയത് സത്യമാണെങ്കിലും അതിന്റെ പേരില്‍ മര്‍ദിച്ചത് തീര്‍ത്തും പ്രതിഷേധാര്‍ഹമാണെന്ന് മിമിക്രി അസോസിയേഷന്‍ സെക്രട്ടറി കെ.എസ്. പ്രസാദ് പ്രതികരിച്ചു

മുൻധാരണകൾ തിരുത്തി ട്രംപ് - ഷി കൂടിക്കാഴ്ച; പുതിയ വാ​ണി​ജ്യ​ബ​ന്ധ​ങ്ങ​ൾ നൂ​റു​ദി​വ​സ​ത്തി​ന​കം

ചൈ​ന വി​ല താ​ഴ്ത്തി ക​യ​റ്റു​മ​തി ന​ട​ത്തി അ​മേ​രി​ക്ക​ൻ തൊ​ഴി​ലു​ക​ൾ മോ​ഷ്ടി​ക്കു​ന്നു എ​ന്ന നി​ല​പാ​ട് ട്രം​പ് തി​രു​ത്തി. ഷി​യാ​ക​ട്ടെ ചൈ​ന​യു​ടെ ഭീ​മ​മാ​യ വ്യാ​പ​ര​മി​ച്ചം സ്വ​ന്ത​രാ​ജ്യ​ത്ത് പ​ണ​പ്പെ​രു​പ്പം കൂ​ട്ടു​ന്നു​വെ​ന്ന് തു​റ​ന്നു​പ​റ​ഞ്ഞു. അ​മേ​രി​ക്ക​ൻ ക​യ​റ്റു​മ​തി കൂ​ട്ടാ​നും ചൈ​ന​യു​ടെ വ്യാ​പാ​ര​മി​ച്ചം കു​റ​യ്ക്കാ​നു​മു​ള്ള ച​ർ​ച്ച​ക​ൾ 100 ദി​വ​സം കൊ​ണ്ട് ഫ​ല​പ്രാ​പ്തി​യി​ലെ​ത്തി​ക്കാ​ൻ ധാ​ര​ണ​യു​ണ്ടാ​യ​തു വ​ലി​യ നേ​ട്ട​മാ​യി.

ഒരു കുടുംബത്തിലെ നാലു പേരെ കൊല്ലപ്പെട്ട നിലയില്‍ കണ്ടെത്തിയ സംഭവം; മകന്‍ കേഡൽ

നന്തൻകോട് ക്ലിഫ്ഹൗസിന് സമീപമുള്ള വീടിനുള്ളിൽ ഒരു കുടുംബത്തിലെ നാലു പേരെ കൊല്ലപ്പെട്ട നിലയിൽ കണ്ടെത്തി. മാർത്താണ്ഡം നേശമണി കോളേജിൽ ഹിസ്‌റ്ററി പ്രൊഫസറായി വിരമിച്ച രാജാ തങ്കം, ഭാര്യ റിട്ട.ഡോക്ടർ ജീൻ പദ്മ, മകൾ കരോലിൻ, ജീൻ പദ്മയുടെ കുഞ്ഞമ്മ ലളിത എന്നിവരാണ് മരിച്ചത്.

അവസാനം ആ വീട് വിറ്റു ! വിജയമല്യയുടെ ഗോവയിലെ ആഡംബര വില്ല വിറ്റ

കഴിഞ്ഞ രണ്ടു തവണയും ലേലം നടത്താനുള്ള നീക്കം പാളിയിരുന്നു. 2016 ഒക്ടോബറിൽ നടന്ന ആദ്യ ലേലത്തിൽ അടിസ്ഥാന വിലയായി 85.29 കോടി രൂപയാണു നിശ്ചയിച്ചിരുന്നത്. ഡിസംബറിൽ നടത്തിയ ലേലത്തിൽ 81 കോടിയാക്കി കുറച്ചെങ്കിലും ആരും ലേലം വിളിച്ചില്ല. തുടർന്ന് ഈ വർഷം മാർച്ച് ആറിനു നടത്തിയ ലേലത്തിൽ വില 73 കോടിയാക്കി കുറച്ചിരുന്നു

മിനിമം വേതനം മണിക്കൂറിന് 10 പൗണ്ടാക്കുമെന്ന് കോര്‍ബിന്‍

ലണ്ടന്‍: മിനിമം വേതനം വര്‍ദ്ധിപ്പിക്കുമെന്ന വാഗ്ദാനവുമായി തെരഞ്ഞെടുപ്പ് പ്രചാരണം ലേബര്‍ പാര്‍ട്ടി ആരംഭിച്ചു. അടുത്ത പൊതുതെരഞ്ഞെടുപ്പില്‍ തങ്ങള്‍ വിജയിച്ചാല്‍ മാസങ്ങള്‍ക്കുള്ളില്‍ വേതന വര്‍ദ്ധനവ് നടപ്പിലാക്കുമെന്നാണ് ജെറമി കോര്‍ബിന്‍ പ്രഖ്യാപിച്ചത്. മണിക്കൂറിന് 10 പൗണ്ട് കുറഞ്ഞ വേതനം ലഭ്യമാക്കുന്ന വിധത്തിലാണ് മാറ്റങ്ങള്‍ വിഭാവനം ചെയ്യുന്നത്. 2020ഓടെ തൊഴിലാളികള്‍ക്ക് മികച്ച മിനിമം വേതനം ലഭ്യമാക്കാനാണ് ഉദ്ദേശിക്കുന്നത്. സര്‍ക്കാര്‍ ഇപ്പോള്‍ ലക്ഷ്യമിടുന്നതിലും കൂടുതലാണ് ലേബര്‍ ലക്ഷ്യമിടുന്ന നിരക്ക്.

പരീക്ഷാഫലം ഉയര്‍ത്താന്‍ വിചിത്ര മാര്‍ഗവുമായി സ്‌കൂള്‍; വിദ്യാര്‍ത്ഥികളുടെ വീട്ടില്‍നിന്നും എക്‌സ്‌ബോക്‌സുകളും പ്ലേസ്റ്റേഷനുകളും പിടിച്ചെടുക്കുന്നു

ലണ്ടന്‍: ഇംഗ്ലണ്ടിലെ മുന്‍നിര അക്കാഡമി, പരീക്ഷാഫലം ഉയര്‍ത്തുന്നതിനായി വിചിത്ര മാര്‍ഗം അവലംബിക്കുന്നു. വിദ്യാര്‍ത്ഥികളുടെ വീട്ടില്‍ നിന്ന് എക്‌സ്‌ബോക്‌സുകളും പ്ലേ സ്റ്റേഷനുകളും സ്‌കൂള്‍ അധികൃതര്‍ പിടിച്ചെടുത്തു. കിംഗ് സോളമന്‍ അക്കാഡമിയാണ് വിചിത്ര നടപടിയുമായി രംഗത്തെത്തിയത്. രക്ഷിതാക്കളുടെ സമ്മതത്തോടെ ഇത്തരം യെിമിംഗ് ഉപകരണങ്ങളും മൊബൈല്‍ ഫോണുകളും പിടിച്ചെടുത്തതായി പ്രിന്‍സിപ്പല്‍ മാക്‌സ് ഹെയ്മന്‍ഡോര്‍ഫ് അറിയിച്ചു. ഗ്രേഡുകള്‍ ഉയര്‍ത്താനും വിദ്യാര്‍ത്ഥികളുടെ പെരുമാറ്റം നന്നാക്കാനുമാണ് നടപടിയെന്നാണ് വിശദീകരണം.

വെള്ളാപ്പള്ളിയിലും വീഴ്ച വരുത്താനൊരുങ്ങി പൊലീസ്; കേസില്‍ ഒന്നാം പ്രതിയുടെ മൊഴിയെടുക്കാന്‍ പോയത് രണ്ടാം പ്രതിയുടെ

ആലപ്പുഴ: വെളളാപ്പളളി നടേശന്‍ എന്‍ജിനീയറിങ് കോളെജിലെ വിദ്യാര്‍ത്ഥി ആത്മഹത്യയ്ക്ക് ശ്രമിച്ച സംഭവത്തിലെ കേസന്വേഷണത്തിലും പൊലീസിന് വീഴ്ച. മൊഴിയെടുക്കാന്‍ പോയ വളളികുന്നം പൊലീസ് സ്റ്റേഷനിലെ രണ്ടു പൊലീസുകാരാണ് അന്വേഷണത്തിന്റെ ആദ്യഘട്ടത്തില്‍ തന്നെ വീഴ്ച വരുത്തിയത്. രണ്ടാംപ്രതിയും ബിഡിജെഎസ് നേതാവുമായ കോളേജ് മാനേജര്‍ സുഭാഷ് വാസുവിന്റെ കാറിലാണ് പൊലീസുകാര്‍ മൊഴിയെടുക്കാന്‍ എത്തിയത്.

അഞ്ച് വര്‍ഷത്തേക്ക് കുടിയേറ്റ നിരോധനം ഏര്‍പ്പെടുത്തണമെന്ന് ടോറി എംപിമാര്‍; തദ്ദേശവല്‍ക്കരണം യുകെയിലും?

ലണ്ടന്‍: ഗള്‍ഫ് നാടുകളില്‍ പ്രാവര്‍ത്തികമാക്കിക്കൊണ്ടിരിക്കുന്ന തേേദ്ദശവല്‍ക്കരണം യുകെയിലെ തൊഴില്‍മേഖലകളിലും വരുമോ എന്ന് ആശങ്ക. രാജ്യത്ത് അഞ്ച് വര്‍ഷത്തേക്ക് കുടിയേറ്റ നിരോധനം ഏര്‍പ്പെടുത്തണമെന്ന് മുതിര്‍ന്ന കണ്‍സര്‍വേറ്റീവ് എംപിമാര്‍ പ്രധാനമന്ത്രിയോട് ആവശ്യപ്പെട്ടു. അവിദഗ്ദ്ധ മേഖലയിലെ വിസകള്‍ നിയന്ത്രിച്ച് ചെറുപ്പക്കാരും തൊഴിലില്ലാത്തവരുമായ യുകെ പൗരന്‍മാര്‍ക്ക് അവസരം നല്‍കണമെന്നാണ് ഇവര്‍ ആവശ്യപ്പെടുന്നത്. യൂറോപ്യന്‍ സിംഗിള്‍ മാര്‍ക്കറ്റില്‍ നിന്ന് പുറത്തു പോകണമെന്നും അതിര്‍ത്തികളില്‍ യുകെ ആധിപത്യം സ്ഥാപിക്കണമെന്നും ആവശ്യപ്പെടുന്ന കടുത്ത ബ്രെക്‌സിറ്റ് അനുകൂലികളായ എംപിമാരാണ് ഈ ആവശ്യവുമായി രംഗത്തെത്തിയിരിക്കുന്നത്.

ജിഷ്ണുകേസ്, വൈസ് പ്രിന്‍സിപ്പല്‍ ശക്തിവേല്‍ കോയമ്പത്തൂരിൽ അറസ്റ്റില്‍; പോലീസ് പ്രഖ്യാപിച്ച പാരിതോഷികം വേണ്ടെന്ന് വിവരം

ശക്തിവേലിന്റെ അറസ്റ്റുവിവരം പുറത്തുവരുമുന്‍പുതന്നെ ജിഷ്ണുവിന്റെ കുടുംബവുമായി സര്‍ക്കാര്‍ ചര്‍ച്ചയ്ക്ക് ശ്രമം തുടങ്ങിയിരുന്നു. സര്‍ക്കാര്‍ നിയോഗിച്ച സ്പെഷ്യല്‍ പ്രോസിക്യൂട്ടര്‍ സി.പി.ഉദയഭാനുവും സ്റ്റേറ്റ് അറ്റോര്‍ണി എം.വി.സോഹനും എന്നിവര്‍ തിരുവനന്തപുരം മെഡിക്കല്‍ കോളജില്‍ ജിഷ്ണുവിന്റെ അമ്മയേയും അമ്മാവനേയും കാണും. നേരത്തേ സിപിഐ സംസ്ഥാനസെക്രട്ടറി കാനം രാജേന്ദ്രന്‍ ജിഷ്ണുവിന്റെ ബന്ധുക്കളുമായി ആശുപത്രിയില്‍ കൂടിക്കാഴ്ച നടത്തിയിരുന്നു.

യുഎസ് ഉത്തരകൊറിയക്കെതിരേ പടപ്പുറപ്പാട് തുടങ്ങി; വിമാനവാഹിനി കപ്പൽ കൊറിയൻ ഉപദ്വീപിൽ, ലോകരാജ്യങ്ങൾ ആശങ്കയിൽ

ഉത്തരകൊറിയക്കെതിരേ യുഎസ് സൈന്യം പടപ്പുറപ്പാട് തുടങ്ങിയതായി റിപ്പോർട്ട്. കൊറിയൻ ഉപദ്വീപിൽ യുഎസ് വിമാനവാഹിനി കപ്പൽ നങ്കൂരമിട്ടതായാണ് റിപ്പോർട്ടുകൾ. വിമാനവാഹിനി കപ്പലായ യുഎസ്എസ് കാൾ വിൻസനാണ് നങ്കൂരമിട്ടിരിക്കുന്നത്. കഴിഞ്ഞ മാസം ദക്ഷിണകൊറിയൻ സൈന്യവുമായി അമേരിക്ക നടത്തിയ സംയുക്ത അഭ്യാസ പ്രകടനങ്ങളിലും കാൾ വിൻസണ്‍ പങ്കാളിയായിരുന്നു. അതേസമയം, സിറിയക്ക് പിന്നാലെ ഉത്തരകൊറിയക്കെതിരെയും നടപടികളുമായി അമേരിക്ക മുന്നോട്ട് പോവുന്നത് ലോകരാജ്യങ്ങൾ ആശങ്കയോടെയാണ് കാണുന്നത്.
© Copyright MALAYALAM UK 2017. All rights reserved.
Please wait...

2017 Calender Request Form

ആളുകള്‍ വ്യാജ വിലാസങ്ങള്‍ നല്കാന്‍ ഇടയുളളതിനാല്‍ ടെലിഫോണില്‍ വിളിച്ച് വിലാസം ഉറപ്പുവരുത്തിയ ശേഷം ആയിരിക്കും കലണ്ടര്‍ അയക്കുക. ശരിയായ ടെലിഫോണ്‍ നമ്പര്‍ ചേര്‍ക്കാത്തവര്‍ക്ക് കലണ്ടര്‍ അയയ്ക്കുന്നതല്ല.