സംഭവിച്ചത് നൂറ്റാണ്ടിലെ വലിയ രണ്ട് തമാശകള്‍, പക്ഷേ പൊതുജനം പരിഭ്രാന്തിയില്‍; മാസാന്ത്യാവലോകനം

സംഭവിച്ചത് നൂറ്റാണ്ടിലെ വലിയ രണ്ട് തമാശകള്‍, പക്ഷേ പൊതുജനം പരിഭ്രാന്തിയില്‍; മാസാന്ത്യാവലോകനം

ജോജി തോമസ്

ഒരു പക്ഷേ ഈ നൂറ്റാണ്ടിലെ ഏറ്റവും വലിയ രണ്ട് തമാശകളായി പരിണമിക്കാന്‍ സാധ്യതയുള്ള അമേരിക്കന്‍ പ്രസിഡന്റ് തെരഞ്ഞെടുപ്പും ഇന്ത്യന്‍ കറന്‍സിയുടെ പിന്‍വലിക്കലും നടന്നത് ഒരേ ദിവസമാണെന്നുള്ളത് തികച്ചും യാദൃച്ഛികമാണ്. യാതൊരു വിജയ സാധ്യതയും കല്‍പ്പിക്കാതിരുന്ന, വംശീയ വിദ്വേഷത്തിനും സ്ത്രീകളോടുള്ള സമീപനത്തിനും കുപ്രസിദ്ധി ആര്‍ജ്ജിച്ച ഡൊണാള്‍ഡ് ട്രംപ് അമേരിക്കന്‍ പ്രസിഡന്റായി തെരഞ്ഞെടുക്കപ്പെട്ടത് ലോകമൊട്ടാകെയുള്ള ജനങ്ങളെ പ്രത്യേകിച്ച് ന്യൂനപക്ഷങ്ങളെ ആശങ്കയിലാഴ്ത്തിയെങ്കില്‍ ഇന്ത്യന്‍ കറന്‍സി പിന്‍വലിക്കല്‍ നടപടിയിലൂടെ ലോകജനസംഖ്യയില്‍ 18 ശതമാനം വരുന്ന ഇന്ത്യന്‍ ജനതയെ തികഞ്ഞ അരാജകത്വത്തിലേക്കും അരക്ഷിതാവസ്ഥയിലേക്കും തള്ളി വിടുന്ന സാഹചര്യമാണ് സൃഷ്ടിക്കപ്പെടുന്നത്.

കള്ളപ്പണത്തിന്റെ പേരില്‍ 500ന്റെയും 1000ത്തിന്റെയും കറന്‍സി നിരോധിക്കാന്‍ ഒരു അര്‍ദ്ധരാത്രിയില്‍ തീരുമാനിച്ചത് ഒരു പുരാതന ഭാരതീയ കഥയാണ് ഓര്‍മ്മപ്പെടുത്തുന്നത്. കല്ലുവിന്റെ മതില്‍ വീണ് ആട് ചത്തതിന് ആടിന്റെ ഉടമ ചോപാട് രാജാവിന്റെ അടുത്ത് പരാതിയുമായെത്തി. തന്റെ ഉപജീവനമാര്‍ഗ്ഗമായിരുന്ന ആടിന്റെ മരണത്തിന് ഉത്തരവാദിയായ മതിലു പണിത കല്ലാശാരിയെ ശിക്ഷിക്കണമെന്നായിരുന്നു ആവശ്യം. എന്നാല്‍ വിചാരണ വേളയില്‍ കല്ലാശാരി കുമ്മായം കൂട്ടിയ കയ്യാളിനെയും കയ്യാള്‍ അളവിലധികം വെള്ളം ഒഴിച്ച പണിക്കാരനെയും പണിക്കാരന്‍ വലിയ ആടിനെ കല്ലുവിന് വിറ്റ ആട്ടിടയനെയും കുറ്റപ്പെടുത്തി. വലിയ ആട് മതിലില്‍ ചാരിയതാണ് മതിലിടിയാന്‍ കാരണമെന്ന യുക്തി നിരത്തി. പക്ഷേ ആട്ടിടയന്‍ ആടിനെ വിറ്റ സമയത്ത് തന്റെ ശ്രദ്ധ തിരിയാന്‍ കാരണക്കാരനായ കോത്വാലില്‍ പഴിചാരി. അവസാനം രാജാവ് കോത്വാലിനെ വധശിക്ഷയ്ക്ക് വിധിച്ചു. പക്ഷേ വധശിക്ഷ നടപ്പാക്കുന്ന അവസരത്തില്‍ കുടുക്ക് കഴുത്തില്‍ പാകമാകാതെ വരികയും പാകമായ കഴുത്തുമായി ആ അവസരത്തില്‍ അതിലേ പോയ വഴിയാത്രക്കാരനായ ഗോവര്‍ദ്ധനെ തൂക്കിലേറ്റാന്‍ രാജകല്‍പനയായി. ഇതുപോലെ തന്നെയാണ് ബ്ലാക്ക് മണിയുടെ കാര്യത്തില്‍ യഥാര്‍ത്ഥ പ്രതികളെ കിട്ടാതെ വന്നപ്പോള്‍ നിസഹായരും നിരപരാധികളുമായ പൊതുജനത്തെ ശിക്ഷിക്കാന്‍ മോഡി രാജാവ് തീരുമാനിച്ചത്.

ഇന്ത്യയില്‍ കറന്‍സി നിരോധിക്കുന്നത് ആദ്യത്തെ സംഭവമല്ല. 1946ല്‍ ആയിരത്തിന്റെയും പതിനായിരത്തിന്റെയും നോട്ടുകള്‍ നിരോധിച്ചിരുന്നു. 1954ല്‍ ആയിരത്തിന്റെയും അയ്യായിരത്തിന്റെയും പതിനായിരത്തിന്റെയും നോട്ടുകള്‍ വീണ്ടും മാര്‍ക്കറ്റിലെത്തിയെങ്കിലും 1978 ജനുവരിയില്‍ ബ്ലാക്ക് മണിക്കെതിരെയുള്ള നീക്കത്തിന്റെ ഭാഗമായി പിന്‍വലിക്കപ്പെട്ടു. 1978ല്‍ കറന്‍സികള്‍ പിന്‍വലിക്കപ്പെട്ട രീതിയും നരേന്ദ്ര മോഡി ഗവണ്‍മെന്റ് കറന്‍സികള്‍ പിന്‍വലിച്ചതുമായി വളരെയധികം സാമ്യമുണ്ട്. 1970ല്‍ രൂപീകൃതമായ വാല്‍ച്യൂ കമ്മിറ്റിയുടെ നിര്‍ദേശമായിരുന്നു ഉയര്‍ന്ന മൂല്യമുള്ള കറന്‍സികള്‍ പിന്‍വലിക്കുക എന്നത്. 1978ല്‍ അധികാരത്തിലെത്തിയ ജനതാ പാര്‍ട്ടിയുടെ കൂട്ടുകക്ഷി മന്ത്രിസഭ ഒരു ഓര്‍ഡിനന്‍സ് മുഖേന ആ വര്‍ഷം ജനുവരി 16-ാം തീയതി അതി രാവിലെ 1000, 5000, 10000 രൂപ നോട്ടുകള്‍ പിന്‍വലിക്കുകയായിരുന്നു. രാഷ്ട്രപതിയായിരുന്ന സഞ്ജീവ റെഡ്ഡി ജനുവരി 16-ാം തിയതി അതിരാവിലെ ഓര്‍ഡിനന്‍സ് ഒപ്പു വെയ്ക്കുകകയും പ്രസ്തുത തീരുമാനം ഓള്‍ ഇന്ത്യാ റേഡിയോയിലൂടെ അതേ ദിവസം രാവിലെ 9.00 മണിക്ക് പ്രഖ്യാപിക്കുന്നതുവരെ തീരുമാനത്തിന്റെ രഹസ്യ സ്വഭാവം കാത്തു സൂക്ഷിക്കുവാന്‍ സര്‍ക്കാരിനു കഴിഞ്ഞു. അതിനു ശേഷം യുപിഎ ഗവണ്‍മെന്റിന്റെ കാലത്തും പഴയ നോട്ടുകള്‍ ഘട്ടംഘട്ടമായി പൊതു വിപണിയില്‍ നിന്ന് പിന്‍വലിച്ചിരുന്നു. വ്യാജ കറന്‍സിയുടെയും കള്ളപ്പണത്തിന്റെയും വ്യാപനം തടയുക എന്നതായിരുന്നു യുപിഎ ഗവണ്‍മെന്റിന്റെ തീരുമാനത്തിന്റെ ലക്ഷ്യം.

1978ല്‍ മൊറാര്‍ജി ദേശായി പ്രധാനമന്ത്രിയായിരുന്നപ്പോള്‍ കറന്‍സി പിന്‍വലിച്ചത് മോഡി സര്‍ക്കാര്‍ ചെയ്തതു പോലെ അപ്രതീക്ഷിതവും ഉടന്‍ പ്രാബല്യത്തില്‍ വരുന്ന വിധവുമായിരുന്നു. പക്ഷേ ഇതുള്‍പ്പെടെ മുന്‍കാലങ്ങളില്‍ കറന്‍സിയുമായി ബന്ധപ്പെട്ട് സര്‍ക്കാര്‍ നടത്തിയ നീക്കങ്ങളൊന്നും ഇപ്പോള്‍ സംഭവിച്ചതുപോലെ പൊതുജജനങ്ങളെ പെരുവഴിയിലും ദുരിതത്തിലും ആക്കുന്നതായിരുന്നില്ല. കാരണം അന്ന് നിരോധിച്ച ഉയര്‍ന്ന മൂല്യമുള്ള നോട്ടുകള്‍ പൊതുജനങ്ങള്‍ തങ്ങളുടെ ദൈനംദിനാവശ്യങ്ങള്‍ക്ക് ഉപയോഗിക്കുന്നവ ആയിരുന്നില്ല. 1978ല്‍ 1000ത്തിന്റെയും 5000ത്തിന്റെയും 10000ത്തിന്റെയും നോട്ടുകള്‍ പിന്‍വലിക്കുമ്പോള്‍ ഇന്ത്യയിലെ ഭൂരിഭാഗം ജനങ്ങളും അത്തരം നോട്ടുകള്‍ കണ്ടിട്ടു പോലുമില്ലായിരുന്നു. ഭൂരിഭാഗം ജനങ്ങളുടെയും മധ്യവര്‍ഗ്ഗത്തിന്റെയും മാസവരുമാനം ആയിരത്തില്‍ താഴെ മാത്രമായിരുന്നു. മധ്യതിരുവിതാംകൂറിന്റെ ഹൃദയഭാഗത്ത് പോലും 5000 രൂപയ്ക്ക് ഒന്നിലധികം ഏക്കര്‍ റബര്‍ തോട്ടം വാങ്ങാന്‍ സാധിക്കുമായിരുന്നു.

ഇവിടെയാണ് മോഡി ഗവണ്‍മെന്റിന്റെ ദൂരക്കാഴ്ചയില്ലായ്മ വെളിവാക്കപ്പെടുന്നത്. കേരളം പോലുള്ളിടത്ത് ദിവസക്കൂലിക്ക് പോകുന്ന വ്യക്തിക്ക് പോലും 500 രൂപയിലധികം വരുമാനമുണ്ട്. ഒരു മധ്യവര്‍ഗ്ഗ കുടുംബത്തിന് ചെറിയ ഒരു ഷോപ്പിംഗിന് പോകണമെങ്കില്‍പ്പോലും അഞ്ഞൂറിന്റെയും ആയിരത്തിന്റെയും നോട്ടുകള്‍ കരുതണം. ഇങ്ങനെയൊരു സാഹചര്യത്തില്‍ റിസര്‍വ് ബാങ്ക് ഓഫ് ഇന്ത്യയുടെ ഗവര്‍ണ്ണര്‍ ഓരോ കറന്‍സിയിലും ഒപ്പിട്ടു നല്‍കുന്ന വാഗ്ദാനം വിശ്വസിച്ച് ആ കറന്‍സിയുമായി ദൈനംദിനാവശ്യങ്ങള്‍ നിറവേറ്റാനായി ഒരുങ്ങിയിരുന്ന ജനകോടികള്‍ വിവിധ ആവശ്യങ്ങള്‍ക്കായി രാജ്യത്തിന്റെ നാനാഭാഗങ്ങളിലൂടെ തങ്ങളുടെ ഉപജീവന മാര്‍ഗ്ഗം തേടി യാത്ര ചെയ്തിരുന്ന കോടിക്കണക്കിന് ജനങ്ങള്‍, വിനോദസഞ്ചാരത്തിനും മറ്റുമായി ഇന്ത്യയിലെത്തിയ ലക്ഷക്കണക്കിന് വിദേശികളെയുമെല്ലാം തികച്ചും ദുരിതത്തിലാക്കുന്ന ഒരു നടപടിയാണ് ഗവണ്‍മെന്റിന്റെ ഭാഗത്തു നിന്നുമുണ്ടായത്.തീരുമാനത്തേത്തുടര്‍ന്ന് തുടര്‍ച്ചയായി ബാങ്കുകള്‍ക്ക് അവദി കൊടുത്തത് ജനങ്ങളുടെ ദുരിതം ഇരട്ടിപ്പിച്ചു.

ബ്രിട്ടനില്‍ നിന്നും മറ്റും വിനോദ സഞ്ചാരത്തിനായി എത്തിയ വിദേശികളോട് ഇവിടെ അക്കൗണ്ട് ഇല്ലെങ്കില്‍ കറന്‍സി മാറ്റാന്‍ സാധിക്കില്ല എന്ന ധാര്‍ഷ്ട്യം നിറഞ്ഞ നിലപാടാണ് ബാങ്കുകളുടെ ഭാഗത്തു നിന്ന് ഉണ്ടായത്. പകരം എന്തു സംവിധാനമാണ് ഉള്ളത് എന്ന ചോദ്യത്തിന് ഉത്തരമില്ലായിരുന്നു. പലരും ഇനി ഇന്ത്യയിലേക്കില്ല എന്ന് പ്രതിജ്ഞ എടുത്താണ് തിരികെപ്പോന്നത്. മറ്റെന്തിനേക്കാളുമുപരി ഇന്ത്യയെ ലോകത്തിനു മുന്നില്‍ നാണം കെടുത്താനാണ് ഗവണ്‍മെന്റ് തീരുമാനം ഉതകിയത്. സ്ത്രീകളും വൃദ്ധജനങ്ങളുമുള്‍പ്പെടെ ലക്ഷങ്ങള് തെരുവില്‍ മണിക്കൂറുകള്‍ ക്യൂ നില്‍ക്കേണ്ട സാഹചര്യം ഉണ്ടായി. തിരക്കു മൂലം വ്യാപകമായ സംഘര്‍ഷങ്ങളും നിരവധി മരണങ്ങളും റിപ്പോര്‍ട്ട് ചെയ്യപ്പെട്ടു. രാജ്യം തികച്ചും അരക്ഷിതാവസ്ഥിലേക്ക് പോകുന്ന ഒരു അവസ്ഥയാണ് കറന്‍സി പിന്‍വലിക്കലിനു ശേഷമുണ്ടായത്. പിന്‍വലിച്ച കറന്‍സികള്‍ക്ക് പകരം ആവശ്യത്തിന് കറന്‍സികള്‍ എത്തിക്കാന്‍ സാധിക്കാത്തത് ഗവണ്‍മെന്റിന്റെ ഭാഗത്തു നിന്നുണ്ടായ ഗുരുതരമായ വീഴ്ചയാണ്.

ബാങ്കിംഗ് അക്കൗണ്ടിംഗ് സംവിധാനങ്ങള്‍ വ്യാപകവും ശക്തവും അല്ലാത്ത ഇന്ത്യ പോലുള്ള രാജ്യങ്ങളില്‍ ജനങ്ങളുടെ കൈവശമിരിക്കുന്ന പണം മുഴുവന്‍ കള്ളപ്പണമാണെന്ന് കരുതാന്‍ കഴിയില്ല. ഒരു കര്‍ഷക കുടുംബത്തിന്റെ കയ്യിലിരിക്കുന്ന ഏതാനും ലക്ഷങ്ങള്‍ ഒരു പക്ഷേ അവന്റെ ആയുഷ്‌കാല സമ്പാദ്യം ആയിരിക്കും. ഇന്ത്യയില്‍ നല്ലൊരു വിഭാഗം ജനങ്ങള്‍ ബാങ്ക് അക്കൗണ്ട് ഇല്ലാത്തവരും എ ടി എം എന്ന് കേട്ടിട്ടില്ലാത്തവരുമാണ്. വളരെയധികം ജനങ്ങള്‍ക്ക് ബാങ്ക് സേവനം മണിക്കൂറുകള്‍ യാത്ര ചെയ്താല്‍ ലഭിക്കുന്നതാണ്. അത്തരമൊരു രാജ്യത്താണ്, നല്ലൊരു വിഭാഗം ജനങ്ങള്‍ക്ക് അടിസ്ഥാന ശുചിത്വ സൗകര്യങ്ങളും കുടിവെള്ളവും ഇല്ലാത്ത രാജ്യത്താണ്, ഗവണ്‍മെന്റ് ഇ-ബാങ്കിങ്ങിനെക്കുറിച്ച് സംസാരിക്കുന്നത്.

ഇതിലെല്ലാം പ്രധാനപ്പെട്ട വസ്തുത കള്ളപ്പണം തടയാന്‍ കറന്‍സി പിന്‍വലിക്കല്‍ പര്യാപ്തം അല്ലെന്ന് മുന്‍കാല അനുഭവങ്ങളുടെ വെളിച്ചത്തില്‍ തെളിഞ്ഞിട്ടുള്ളതാണ് എന്നതാണ്. കള്ളപ്പണക്കാര്‍ തങ്ങളുടെ പണം ചാക്കുകളിലാക്കി കട്ടിലിനടിയില്‍ അല്ല സൂക്ഷിക്കുന്നത്. ലക്ഷക്കണക്കിന് കോടി വരുന്ന കള്ളപ്പണം വിദേശങ്ങല്‍ും ഇന്ത്യയില്‍ തന്നെ പലവിധ സ്ഥാവര ജംഗമ വസ്തുക്കളിലുമായി നിക്ഷേപിക്കപ്പെട്ടിരിക്കയാണ്. 2014 വരെ ബിജെപിയുടെ നിലപാട് കറന്‍സി പിന്‍വലിക്കല്‍ കള്ളപ്പണത്തിന് തടയിടാന്‍ ഉതകുകയില്ല എന്നതായിരുന്നു. വിദേശത്തുള്ള കള്ളപ്പണം മുഴുവന്‍ ഇന്ത്യയില്‍ തിരികെ എത്തിക്കുമെന്ന് വാഗ്ദാനം വല്‍കി അധികാരത്തിലെത്തിയ നരേന്ദ്രമോഡി വിദേശ ബാങ്കുകളില്‍ കള്ളപ്പണം നിക്ഷേപിച്ചവരുടെ പേരുവിവരങ്ങള്‍ ലഭ്യമായിട്ടും ഒരു ചെറുവിരല്‍ പോലും അനക്കാത്തതത് സംശയാസ്പദവും കള്ളപ്പണത്തിനെതിരായ ഗവണ്‍മെന്റിന്റെ നിലപാടുകളിലെ ആത്മാര്‍ത്ഥതയെ ചോദ്യം ചെയ്യുന്നതുമാണ്. പൊതുജനത്തെ തെരുവില്‍ ക്യൂ നിര്‍ത്തിയ നരേന്ദ്രമോദി കള്ളപ്പണക്കാര്‍ക്കെതിരെ കഴിഞ്ഞ മൂന്ന് വര്‍ഷമായി എന്ത് നടപടിയെടുത്തു, രാജ്യമൊട്ടാകെ എത്ര റെയ്ഡുകള്‍ നടത്തി എന്ന് വെളിപ്പെടുത്താന്‍ ബാധ്യസ്ഥനാണ്.

ചുരുക്കത്തില്‍ കറന്‍സികള്‍ പിന്‍വലിച്ച മോഡിയുടെ നടപടി മറ്റൊരു പ്രൊപ്പഗാന്‍ഡ മാത്രമാണ്. ഇത്തരത്തിലുള്ള പ്രൊപ്പഗാന്‍ഡകളാണ് മോദിയെ അധികാരത്തിലെത്തിച്ചത്. പക്ഷേ ഈ പ്രചാരണ പ്രവര്‍ത്തനങ്ങളില്‍ രാജ്യസ്നേഹവും വര്‍ഗ്ഗീയ വംശീയ വിദ്വേഷവും പാകത്തിന് കൂട്ടിച്ചേര്‍ക്കാന്‍ മോദിക്ക് സാധിക്കുന്നുണ്ട്. ഹിറ്റ്ലര്‍ ഉള്‍പ്പെടെ ലോകം കണ്ട പല ഏകാധിപതികളും രാജ്യസ്നേഹവും വര്‍ഗ്ഗ വംശീയ വിദ്വേഷവും പാകത്തിന് കൂട്ടിച്ചേര്‍ത്ത് തനിക്ക് ചുറ്റും ഒരു പ്രഭാവലയം സൃഷ്ടിക്കുന്നതില്‍ വിജയിച്ചവരാണ്. പാര്‍ലമെന്റിനെ അഭിസംബോധന ചെയ്യാത്തതും ചര്‍ച്ചയ്ക്ക് തയ്യാറാകാത്തതും മോദിയുടെ ഏകാധിപത്യ പ്രവണതയ്ക്കും ജനാധിപത്യത്തോടുള്ള അനാദരവിനും തെളിവാണ്. കറന്‍സി പിന്‍വലിച്ചതിനു ശേഷമുള്ള ചില പ്രാദേശിക തെരഞ്ഞെടുപ്പുകളില്‍ വിജയിക്കാനായത് മോദിയുടെ രുചിക്കൂട്ട് താല്‍ക്കാലികമായെങ്കിലും വിജയിച്ചതിന് തെളിവാണ്. പക്ഷേ അതൊരു അന്തിമ വിജയത്തിലേക്ക് പോകുകയാണെങ്കില്‍ ഭാരതത്തിനും ഭാരതീയതനും നഷ്ടപ്പെടുന്നത് നൂറ്റാണ്ടുകളായി കാത്തുസൂക്ഷിച്ച സത്യമാണ്. കാരണം കള്ളപ്പണത്തോടുള്ള യുദ്ധത്തിലുപരി വെളിപ്പെടാത്ത പല ഹിഡന്‍ അജണ്ടകളും മോഡിക്കുണ്ടെന്ന് കാലം തെളിയിക്കും.

 

jojyവേക്ക്ഫീല്‍ഡില്‍ താമസിക്കുന്ന ജോജി തോമസ്‌ മലയാളം യുകെ ന്യൂസ് ടീം മെമ്പറും, ആനുകാലിക സംഭവങ്ങള്‍ നിരീക്ഷിച്ച് പൊതു ജനങ്ങളുടെ മുന്‍പിലേക്ക് എത്തിക്കുന്ന സാമൂഹ്യ നിരീക്ഷകനുമാണ്. ജോജി തോമസ് എല്ലാ മാസാന്ത്യങ്ങളിലും മലയാളം യുകെയില്‍ മാസാന്ത്യാവലോകനം എന്ന പംക്തി കൈകാര്യം ചെയ്തു വരുന്നു.

               

വായനക്കാരുടെ അഭിപ്രായങ്ങള്‍ രേഖപ്പെടുത്താന്‍ താഴെയുള്ള കമന്റ് കോളം ഉപയോഗിക്കാവുന്നതാണ്. അവഹേളനമോ വ്യക്തിപരമായ അധിക്ഷേപങ്ങളോ അശ്‌ളീലമോ മതനിന്ദയോ ആകാവുന്ന പോസ്റ്റുകള്‍ സൈബര്‍ നിയമപ്രകാരം കുറ്റകരമാണ്.
Post Your Malayalam Comments ( Click here for Malayalam Comments )
Press Esc to close
other news
1 2 3 1,675

More Latest News

സ്റ്റാര്‍ ഹോട്ടല്‍ വേണമെന്ന് ഒടുക്കത്തെ വാശി; പരിധിവിട്ടപ്പോള്‍ ഞാന്‍ ചീത്തവിളിച്ചു; ജയറാം ചിത്രത്തില്‍ നിന്ന്

മമ്മൂട്ടി ചിത്രമായ കസബയിലൂടെ മലയാളത്തിലെത്തിയ നടിയാണ് വരലക്ഷ്മി. എന്നാല്‍ മലയാളത്തിലെ അവരുടെ രണ്ടാമത്തെ ചിത്രമായ ആകാശമിഠായിയില്‍ നിന്നും വരലക്ഷ്മിയെ പുറത്താക്കിയതായി വാര്‍ത്ത വന്നിരുന്നു. നിര്‍മാതാക്കളുമായി യോജിച്ച് പോകാന്‍ കഴിയാത്തതിനാല്‍ ചിത്രത്തില്‍ നിന്നും പിന്‍വാങ്ങുന്നുവെന്നായിരുന്നു നടി അറിയിച്ചത്. എന്നാല്‍ തനിക്ക് ലഭിച്ച ഹോട്ടല്‍ താമസസൗകര്യത്തില്‍ സംതൃപ്തയല്ലാത്തതിനാലാണ് വരലക്ഷമി ചിത്രം ഉപേക്ഷിച്ചതെന്ന് വ്യക്തമായി.

മംഗളം സിഇഒയെ പത്രപ്രവര്‍ത്തക യൂണിയനില്‍ നിന്നും പുറത്താക്കി

മന്ത്രി ഏകെ ശശീന്ദ്രന്റെ രാജിക്ക് ഇടയാക്കിയ ഹണി ട്രാപ്പ് സംഭവത്തില്‍ അറസ്റ്റിലായ മംഗളം ചാനല്‍ സിഇഒ അജിത്ത്കുമാറിനെ കേരള പത്രപ്രവര്‍ത്തക യൂണിയനില്‍(കെയുഡബ്ലിയുജെ) നിന്നും പുറത്താക്കി. പത്തനംതിട്ടയില്‍ ചേര്‍ന്ന യൂണിയന്റെ സംസ്ഥാന കമ്മിറ്റി യോഗത്തിലാണ് തീരുമാനം. അധാര്‍മ്മിക മാധ്യമപ്രവര്‍ത്തനം നടത്തിയെന്ന് ആരോപിച്ചാണ് നടപടി.

തിരുവനന്തപുരത്ത് കൊല്ലപ്പെട്ട നാല് പേരുടെയും മൃതദേഹങ്ങള്‍ ഏറ്റെടുക്കാന്‍ ആളില്ലാതെ മോര്‍ച്ചറി വരാന്തയില്‍; മൃതദേഹങ്ങള്‍

നന്ദന്‍കോട് കൊല്ലപ്പെട്ട നാലു പേരുടെ മൃതദേഹം തിരുവനന്തപുരം മെഡിക്കല്‍ കോളേജ് മോര്‍ച്ചറിക്ക് മുന്നില് അനാഥമായി കിടക്കുന്നു‍. ഇപ്പോള്‍ തന്നെ മൃതദേഹങ്ങള്‍ തിങ്ങിതിറഞ്ഞ മോര്‍ച്ചറിയില്‍ ഇവ സൂക്ഷിക്കാന്‍ സ്ഥലമില്ലെന്നാണ് ആശുപത്രി അധികൃതര്‍ പറയുന്നത്. ഒരു കുടുംബത്തിലെ നാല് പേരും മരണപ്പെടുകയും കൊലപാതകിയെന്ന് സംശയിക്കപ്പെടുന്ന കുടുംബത്തിലെ അവശേഷിച്ചക്കുന്നയാള്‍ ഒളിവില്‍ പോവുകയും ചെയ്തതോടെ മൃതദേഹങ്ങള്‍ ഏറ്റെടുക്കാനും ആളില്ല. മോര്‍ച്ചറിക്ക് മുന്നിലെ വരാന്തയില്‍ സൂക്ഷിച്ചിരിക്കുന്ന മൃതദേഹങ്ങള്‍ ഈച്ചയരിച്ച് ദുര്‍ഗന്ധം വമിച്ച് തുടങ്ങിയിട്ടുണ്ട്.

42000 അടി ഉയരത്തില്‍ ഒരു സുഖപ്രസവം; വിമാനകമ്പനി കുഞ്ഞിനു നല്‍കുന്ന സമ്മാനം

ഗിനിയയില്‍ നിന്നും ഇസ്താംബൂളിലേക്കു പോയ ടര്‍ക്കിഷ് എയര്‍ലൈന്‍സിലാണ് 42000 അടി ഉയരത്തില്‍ വച്ച് നാഫി ഡയബി എന്ന ഫ്രഞ്ച് യുവതി ഒരു പെണ്‍കുഞ്ഞിന് ജന്മം നല്‍കിയത്. കടിഞ്ഞു എന്നാണ് ഈ കുഞ്ഞിന്പേര് നല്‍കിയിരിക്കുന്നത്.

നന്തൻകോട്ട് കൂട്ടക്കൊല നടന്ന വീട്ടിനുള്ളിൽ നിന്നു കത്തിക്കരിഞ്ഞ നിലയിൽ ഡമ്മിയും; അതിബുദ്ധിമാനായ മകൻ ശ്രമിച്ചത്

നന്തൻകോട്ട് കൂട്ടക്കൊല നടന്ന വീട്ടിനുള്ളിൽ നിന്നു കത്തിക്കരിഞ്ഞ നിലയിൽ ഡമ്മി കണ്ടെത്തി. പകുതി കത്തിക്കരിഞ്ഞ നിലയിലാണ് ഡമ്മി. കൊല്ലപ്പെട്ട ദമ്പതികളുടെ കാണാതായ മകൻ കേഡൽ ജീൻസൺ രാജുമായി ഡമ്മിക്കു സാദൃശ്യമുണ്ട്. ജീൻസൺ തന്നെയാണ് കൃത്യം നടത്തിയതെന്ന സംശയം ബലപ്പെടുത്തുന്നതാണ് ഇപ്പോൾ കണ്ടെത്തിയിരിക്കുന്ന ഡമ്മി.

യുകെ മലയാളികള്‍ ഇടുക്കി ചാരിറ്റി ഗ്രൂപ്പിനെ അനുഗ്രഹിച്ചു; ഇതുവരെ ലഭിച്ചത് 1821 പൗണ്ട്

ഇടുക്കി ചാരിറ്റി ഗ്രൂപ്പ് തോപ്രാംകുടിയിലെ വര്‍ക്കി ജോസഫിനും മലയാറ്റൂരിലെ ഷാനുമോന്‍ ശശിധരനും വേണ്ടി നടത്തിക്കൊണ്ടിരിക്കുന്ന ചാരിറ്റിക്ക് ഇതുവരെ 1821 പൗണ്ട് ലഭിച്ചു. ചാരിറ്റി കളക്ഷന്‍ ഈ മാസം 17-ാം തിയതി തിങ്കളാഴ്ച വരെ തുടരാന്‍ ഇടുക്കി ചാരിറ്റി ഗ്രൂപ്പ് തീരുമാനിച്ചു. പിരിഞ്ഞു കിട്ടുന്ന പണം തൊട്ടടുത്തദിവസം നാട്ടില്‍ പോകുന്ന ഇടുക്കി സ്വദേശിയുടെ കൈവശം ചെക്കായി കൊടുത്തു വിട്ട് ബന്ധപ്പെട്ടവര്‍ക്ക് കൈമാറും എന്നറിയിക്കുന്നു.

മിമിക്രിയിൽ നിന്നും സിനിമാരംഗത്തേക്ക് വന്ന പ്രശസ്ത കലാകാരന്‍ അസീസിന് നെടുമങ്ങാടിന് ക്രൂരമർദ്ദനം

തിരുവനന്തപുരം നിശാഗന്ധി ഓഡിറ്റോറിയത്തില്‍ പ്രതിഷേധക്കൂട്ടായ്മ നടത്താന്‍ മിമികി കലാകാരന്മാര്‍ തീരുമാനിച്ചിട്ടുണ്ട്. വൈകിയെത്തിയത് സത്യമാണെങ്കിലും അതിന്റെ പേരില്‍ മര്‍ദിച്ചത് തീര്‍ത്തും പ്രതിഷേധാര്‍ഹമാണെന്ന് മിമിക്രി അസോസിയേഷന്‍ സെക്രട്ടറി കെ.എസ്. പ്രസാദ് പ്രതികരിച്ചു

മുൻധാരണകൾ തിരുത്തി ട്രംപ് - ഷി കൂടിക്കാഴ്ച; പുതിയ വാ​ണി​ജ്യ​ബ​ന്ധ​ങ്ങ​ൾ നൂ​റു​ദി​വ​സ​ത്തി​ന​കം

ചൈ​ന വി​ല താ​ഴ്ത്തി ക​യ​റ്റു​മ​തി ന​ട​ത്തി അ​മേ​രി​ക്ക​ൻ തൊ​ഴി​ലു​ക​ൾ മോ​ഷ്ടി​ക്കു​ന്നു എ​ന്ന നി​ല​പാ​ട് ട്രം​പ് തി​രു​ത്തി. ഷി​യാ​ക​ട്ടെ ചൈ​ന​യു​ടെ ഭീ​മ​മാ​യ വ്യാ​പ​ര​മി​ച്ചം സ്വ​ന്ത​രാ​ജ്യ​ത്ത് പ​ണ​പ്പെ​രു​പ്പം കൂ​ട്ടു​ന്നു​വെ​ന്ന് തു​റ​ന്നു​പ​റ​ഞ്ഞു. അ​മേ​രി​ക്ക​ൻ ക​യ​റ്റു​മ​തി കൂ​ട്ടാ​നും ചൈ​ന​യു​ടെ വ്യാ​പാ​ര​മി​ച്ചം കു​റ​യ്ക്കാ​നു​മു​ള്ള ച​ർ​ച്ച​ക​ൾ 100 ദി​വ​സം കൊ​ണ്ട് ഫ​ല​പ്രാ​പ്തി​യി​ലെ​ത്തി​ക്കാ​ൻ ധാ​ര​ണ​യു​ണ്ടാ​യ​തു വ​ലി​യ നേ​ട്ട​മാ​യി.

ഒരു കുടുംബത്തിലെ നാലു പേരെ കൊല്ലപ്പെട്ട നിലയില്‍ കണ്ടെത്തിയ സംഭവം; മകന്‍ കേഡൽ

നന്തൻകോട് ക്ലിഫ്ഹൗസിന് സമീപമുള്ള വീടിനുള്ളിൽ ഒരു കുടുംബത്തിലെ നാലു പേരെ കൊല്ലപ്പെട്ട നിലയിൽ കണ്ടെത്തി. മാർത്താണ്ഡം നേശമണി കോളേജിൽ ഹിസ്‌റ്ററി പ്രൊഫസറായി വിരമിച്ച രാജാ തങ്കം, ഭാര്യ റിട്ട.ഡോക്ടർ ജീൻ പദ്മ, മകൾ കരോലിൻ, ജീൻ പദ്മയുടെ കുഞ്ഞമ്മ ലളിത എന്നിവരാണ് മരിച്ചത്.

അവസാനം ആ വീട് വിറ്റു ! വിജയമല്യയുടെ ഗോവയിലെ ആഡംബര വില്ല വിറ്റ

കഴിഞ്ഞ രണ്ടു തവണയും ലേലം നടത്താനുള്ള നീക്കം പാളിയിരുന്നു. 2016 ഒക്ടോബറിൽ നടന്ന ആദ്യ ലേലത്തിൽ അടിസ്ഥാന വിലയായി 85.29 കോടി രൂപയാണു നിശ്ചയിച്ചിരുന്നത്. ഡിസംബറിൽ നടത്തിയ ലേലത്തിൽ 81 കോടിയാക്കി കുറച്ചെങ്കിലും ആരും ലേലം വിളിച്ചില്ല. തുടർന്ന് ഈ വർഷം മാർച്ച് ആറിനു നടത്തിയ ലേലത്തിൽ വില 73 കോടിയാക്കി കുറച്ചിരുന്നു

മിനിമം വേതനം മണിക്കൂറിന് 10 പൗണ്ടാക്കുമെന്ന് കോര്‍ബിന്‍

ലണ്ടന്‍: മിനിമം വേതനം വര്‍ദ്ധിപ്പിക്കുമെന്ന വാഗ്ദാനവുമായി തെരഞ്ഞെടുപ്പ് പ്രചാരണം ലേബര്‍ പാര്‍ട്ടി ആരംഭിച്ചു. അടുത്ത പൊതുതെരഞ്ഞെടുപ്പില്‍ തങ്ങള്‍ വിജയിച്ചാല്‍ മാസങ്ങള്‍ക്കുള്ളില്‍ വേതന വര്‍ദ്ധനവ് നടപ്പിലാക്കുമെന്നാണ് ജെറമി കോര്‍ബിന്‍ പ്രഖ്യാപിച്ചത്. മണിക്കൂറിന് 10 പൗണ്ട് കുറഞ്ഞ വേതനം ലഭ്യമാക്കുന്ന വിധത്തിലാണ് മാറ്റങ്ങള്‍ വിഭാവനം ചെയ്യുന്നത്. 2020ഓടെ തൊഴിലാളികള്‍ക്ക് മികച്ച മിനിമം വേതനം ലഭ്യമാക്കാനാണ് ഉദ്ദേശിക്കുന്നത്. സര്‍ക്കാര്‍ ഇപ്പോള്‍ ലക്ഷ്യമിടുന്നതിലും കൂടുതലാണ് ലേബര്‍ ലക്ഷ്യമിടുന്ന നിരക്ക്.

പരീക്ഷാഫലം ഉയര്‍ത്താന്‍ വിചിത്ര മാര്‍ഗവുമായി സ്‌കൂള്‍; വിദ്യാര്‍ത്ഥികളുടെ വീട്ടില്‍നിന്നും എക്‌സ്‌ബോക്‌സുകളും പ്ലേസ്റ്റേഷനുകളും പിടിച്ചെടുക്കുന്നു

ലണ്ടന്‍: ഇംഗ്ലണ്ടിലെ മുന്‍നിര അക്കാഡമി, പരീക്ഷാഫലം ഉയര്‍ത്തുന്നതിനായി വിചിത്ര മാര്‍ഗം അവലംബിക്കുന്നു. വിദ്യാര്‍ത്ഥികളുടെ വീട്ടില്‍ നിന്ന് എക്‌സ്‌ബോക്‌സുകളും പ്ലേ സ്റ്റേഷനുകളും സ്‌കൂള്‍ അധികൃതര്‍ പിടിച്ചെടുത്തു. കിംഗ് സോളമന്‍ അക്കാഡമിയാണ് വിചിത്ര നടപടിയുമായി രംഗത്തെത്തിയത്. രക്ഷിതാക്കളുടെ സമ്മതത്തോടെ ഇത്തരം യെിമിംഗ് ഉപകരണങ്ങളും മൊബൈല്‍ ഫോണുകളും പിടിച്ചെടുത്തതായി പ്രിന്‍സിപ്പല്‍ മാക്‌സ് ഹെയ്മന്‍ഡോര്‍ഫ് അറിയിച്ചു. ഗ്രേഡുകള്‍ ഉയര്‍ത്താനും വിദ്യാര്‍ത്ഥികളുടെ പെരുമാറ്റം നന്നാക്കാനുമാണ് നടപടിയെന്നാണ് വിശദീകരണം.

വെള്ളാപ്പള്ളിയിലും വീഴ്ച വരുത്താനൊരുങ്ങി പൊലീസ്; കേസില്‍ ഒന്നാം പ്രതിയുടെ മൊഴിയെടുക്കാന്‍ പോയത് രണ്ടാം പ്രതിയുടെ

ആലപ്പുഴ: വെളളാപ്പളളി നടേശന്‍ എന്‍ജിനീയറിങ് കോളെജിലെ വിദ്യാര്‍ത്ഥി ആത്മഹത്യയ്ക്ക് ശ്രമിച്ച സംഭവത്തിലെ കേസന്വേഷണത്തിലും പൊലീസിന് വീഴ്ച. മൊഴിയെടുക്കാന്‍ പോയ വളളികുന്നം പൊലീസ് സ്റ്റേഷനിലെ രണ്ടു പൊലീസുകാരാണ് അന്വേഷണത്തിന്റെ ആദ്യഘട്ടത്തില്‍ തന്നെ വീഴ്ച വരുത്തിയത്. രണ്ടാംപ്രതിയും ബിഡിജെഎസ് നേതാവുമായ കോളേജ് മാനേജര്‍ സുഭാഷ് വാസുവിന്റെ കാറിലാണ് പൊലീസുകാര്‍ മൊഴിയെടുക്കാന്‍ എത്തിയത്.

അഞ്ച് വര്‍ഷത്തേക്ക് കുടിയേറ്റ നിരോധനം ഏര്‍പ്പെടുത്തണമെന്ന് ടോറി എംപിമാര്‍; തദ്ദേശവല്‍ക്കരണം യുകെയിലും?

ലണ്ടന്‍: ഗള്‍ഫ് നാടുകളില്‍ പ്രാവര്‍ത്തികമാക്കിക്കൊണ്ടിരിക്കുന്ന തേേദ്ദശവല്‍ക്കരണം യുകെയിലെ തൊഴില്‍മേഖലകളിലും വരുമോ എന്ന് ആശങ്ക. രാജ്യത്ത് അഞ്ച് വര്‍ഷത്തേക്ക് കുടിയേറ്റ നിരോധനം ഏര്‍പ്പെടുത്തണമെന്ന് മുതിര്‍ന്ന കണ്‍സര്‍വേറ്റീവ് എംപിമാര്‍ പ്രധാനമന്ത്രിയോട് ആവശ്യപ്പെട്ടു. അവിദഗ്ദ്ധ മേഖലയിലെ വിസകള്‍ നിയന്ത്രിച്ച് ചെറുപ്പക്കാരും തൊഴിലില്ലാത്തവരുമായ യുകെ പൗരന്‍മാര്‍ക്ക് അവസരം നല്‍കണമെന്നാണ് ഇവര്‍ ആവശ്യപ്പെടുന്നത്. യൂറോപ്യന്‍ സിംഗിള്‍ മാര്‍ക്കറ്റില്‍ നിന്ന് പുറത്തു പോകണമെന്നും അതിര്‍ത്തികളില്‍ യുകെ ആധിപത്യം സ്ഥാപിക്കണമെന്നും ആവശ്യപ്പെടുന്ന കടുത്ത ബ്രെക്‌സിറ്റ് അനുകൂലികളായ എംപിമാരാണ് ഈ ആവശ്യവുമായി രംഗത്തെത്തിയിരിക്കുന്നത്.

ജിഷ്ണുകേസ്, വൈസ് പ്രിന്‍സിപ്പല്‍ ശക്തിവേല്‍ കോയമ്പത്തൂരിൽ അറസ്റ്റില്‍; പോലീസ് പ്രഖ്യാപിച്ച പാരിതോഷികം വേണ്ടെന്ന് വിവരം

ശക്തിവേലിന്റെ അറസ്റ്റുവിവരം പുറത്തുവരുമുന്‍പുതന്നെ ജിഷ്ണുവിന്റെ കുടുംബവുമായി സര്‍ക്കാര്‍ ചര്‍ച്ചയ്ക്ക് ശ്രമം തുടങ്ങിയിരുന്നു. സര്‍ക്കാര്‍ നിയോഗിച്ച സ്പെഷ്യല്‍ പ്രോസിക്യൂട്ടര്‍ സി.പി.ഉദയഭാനുവും സ്റ്റേറ്റ് അറ്റോര്‍ണി എം.വി.സോഹനും എന്നിവര്‍ തിരുവനന്തപുരം മെഡിക്കല്‍ കോളജില്‍ ജിഷ്ണുവിന്റെ അമ്മയേയും അമ്മാവനേയും കാണും. നേരത്തേ സിപിഐ സംസ്ഥാനസെക്രട്ടറി കാനം രാജേന്ദ്രന്‍ ജിഷ്ണുവിന്റെ ബന്ധുക്കളുമായി ആശുപത്രിയില്‍ കൂടിക്കാഴ്ച നടത്തിയിരുന്നു.

യുഎസ് ഉത്തരകൊറിയക്കെതിരേ പടപ്പുറപ്പാട് തുടങ്ങി; വിമാനവാഹിനി കപ്പൽ കൊറിയൻ ഉപദ്വീപിൽ, ലോകരാജ്യങ്ങൾ ആശങ്കയിൽ

ഉത്തരകൊറിയക്കെതിരേ യുഎസ് സൈന്യം പടപ്പുറപ്പാട് തുടങ്ങിയതായി റിപ്പോർട്ട്. കൊറിയൻ ഉപദ്വീപിൽ യുഎസ് വിമാനവാഹിനി കപ്പൽ നങ്കൂരമിട്ടതായാണ് റിപ്പോർട്ടുകൾ. വിമാനവാഹിനി കപ്പലായ യുഎസ്എസ് കാൾ വിൻസനാണ് നങ്കൂരമിട്ടിരിക്കുന്നത്. കഴിഞ്ഞ മാസം ദക്ഷിണകൊറിയൻ സൈന്യവുമായി അമേരിക്ക നടത്തിയ സംയുക്ത അഭ്യാസ പ്രകടനങ്ങളിലും കാൾ വിൻസണ്‍ പങ്കാളിയായിരുന്നു. അതേസമയം, സിറിയക്ക് പിന്നാലെ ഉത്തരകൊറിയക്കെതിരെയും നടപടികളുമായി അമേരിക്ക മുന്നോട്ട് പോവുന്നത് ലോകരാജ്യങ്ങൾ ആശങ്കയോടെയാണ് കാണുന്നത്.
© Copyright MALAYALAM UK 2017. All rights reserved.
Please wait...

2017 Calender Request Form

ആളുകള്‍ വ്യാജ വിലാസങ്ങള്‍ നല്കാന്‍ ഇടയുളളതിനാല്‍ ടെലിഫോണില്‍ വിളിച്ച് വിലാസം ഉറപ്പുവരുത്തിയ ശേഷം ആയിരിക്കും കലണ്ടര്‍ അയക്കുക. ശരിയായ ടെലിഫോണ്‍ നമ്പര്‍ ചേര്‍ക്കാത്തവര്‍ക്ക് കലണ്ടര്‍ അയയ്ക്കുന്നതല്ല.